Exclusive : "Ei vahpa he kyh ei pachâpa dei châ leipa ta ei pasâhsa"

April 26, 2019 : Eima hnôh via lâta West Saizawh liata nôvah â hneipa, a vahpa sypa vâta a ie nata pazô chhao ano khota a pasopanô thei leipa thâtih eima vaw ropa kha nama pahno thlâh ha na ta eimâ hnabeiseih. He ary liatapa he a lahpinô, Tebawihi ta chyhsa a vahpa chôchâh liata hiahrihna â chhyna nata, a thâtih a reina, palôh hria kawpa cha a châ. Vaw reih hra tua ma y.

“Kyh ama pachâ chaipa nata kyhpachâtuhpa ama châ cheingeipa ta ama pahnopa vahpa ta a hneipa ei chanôheihpazy hnabeidyna hmi ei hmô hluh kaw bâ tlai na! Achhâpa la naw...ama kyhpachâpazy khata pasasa ei ta, ama hnabei ama padysa hoh tu hapa vâta a châ...”

“Sex nama hmâh thei aw mâ?’ tahpa hiahrihna he a hluh ngaita kaw. Sex ama hmâh thei ha tupa vâta â pheisai hapazy ei hmô châh heta Sex he alyna a châ leizie tlao hmô na ta, eima vaw hmâh thei pathlei hapazy a châpa chhaota ei vahpa kho kawpa, ie nata pazô pasopanô a ngiahpa, ano khota a pasiepasâ thei leipa, a zo ta â môpa hmahta a kâ palie awpa ta bao a ngiahpa ei vahpa he nâ pheisai chachei aw vei, tahpa ei sia...Ei vâhnei tah leithei vana!”

“Chyhsa chhaota vahpa cha ama hnei tyh hra..châhrasala vahpa chhôhkha sanawh rinô zydua alyna vâta mothlih pathlapa deikua he la ama hluh kaw na ta chhao pangiasa vana. Kei deikua alyna mothlih ama pahryuh kaw tlai na! He zydua he â phuh vana mâh my”

“Eimâ hneina hneina noh tlai khaw...khizaw chyhsa âlâluahpazy ta cha alykheina kuchalyutuhpa ama hnei hluh kaw aw tahpa cha a sia thlâh ha..châhrasala keimo, chyhsa a tloh leipa panozy pi tlai he..eima ku chalyu khohpa ama hluh tu hapa vâta kuchalyu pasai leipa tahpa ama phuahpâ ngâkaw pa khaw..nohthlah a lana kyh liata chhao chyhsa thokha, palôhtlâh leipa ama ypâ ngâna taihta daihti ta miah â daih leipa khaw...keimo nâvah zy bao tlai pi heta la â phuh chachei ma pi”

“Ei vahpa he kyh ei pachâna khô lâta pasâhsana ta, pachâna hmaohkha hneipa ta a tla kaw pi ta, a chhôhkhazy ta palôh zydua ta einâ vaw pyh pâ lao ei..”

• Palôh a hria kaw na : Ahneina Rôhnahpa

“Atahmâ daihti liana heta Mawrâh zawpi ei châ palaikhei hmeiseih ei..ei khopa, ei kyhpachâpa vahpa ta ei hneipa he keima châta cha hmo no-âhchhihpa châ hra vei sala, einâ lykheina ei chi nata reithaina zydua he keima châta la a sôh tu ha..’ABEIPA MOPATHAIHPAZY’ tahpa ta nama moh ei cha bipâ ei..Chyhsa alyna liata alykhei thei rai rai leipa, chyhsa hlaotlohna khâchâ hiatliapa, chyhsa reithaina hlâta reipachhiena awpa khâchâ a tlua tyhpa, ngiapâtuhpa châpa he â hmie chai vei...nâmo deikua ta cha nama pathipalôh zydua tan â lykhei ei chi ta..ei tlohleina zydua hmô leipa a pachâpa tan a reithai ei chi ta..he zydua he nama pathipalôh a pathaihpa vâta a châ, tahpa ei pahno..Khazohpa tawhta a puapa a châ lei khiahta cha khataih tawhta a puapa ma a châ rai aw? Nama chô liata pathipalôh hmeiseihpa ta alynabie ei rei hmeiseih”

As written by Lalmuanawma Hauhulh

Translated into Mara by Admin, MlT