Health & Lifestyle : Thopi sah pha kawpa dopa heta RAO CANCER tlôkhei thei

Achupasiana miakha chata thopi/Coffee/dodâpa sah tupâpa ta dopa heta rao Cancer (oesophageal cancer) hnei theina athata a pasâh, tahpa a palâsa.

Khahlâ viata achuna ama vaw siekhei hapazy liata thopi sahpâ kawpa dopa nata rao cancer (oesophageal cancer) azaokhina he vaw palâsa ha hrapa châ ta, châhrasala a siahlia kawpa ta achuna tlyma, thopi sah pâ kawpa tahpa heta khatluta sahpa ma a dy tahpa achuna deikua y mâh vei.

‘International Journal of Cancer’ ta amâ chupasiana ama palâsana liata deikua he he asiahlia kawpa ta palâsapa châ ha ta, chyhsa 50,045 – kô 45 tawhta kô 75-zy kô 10 chhôh tlai amâ chupasiana tawhta he amah mo hmôpapuapa he ama palâsa hapa a châ. American Cancer Society liata amah mo hmôpapuapa rohtuh chaipa, Farhad Islami chata, "Chyhsa hluhpi ta thopi, coffee, nata hmo hropa dodâpa lâchhâhzy cha a sahpâ kawpa ta doh a paoh kaw ei ta. He he eimâ chupasiana tawhta cha, rao cancer (oesophagal cancer) tlôkhei theipa a châpa vâta, hmo sahtupâ hapa eima doh awpa cha bâhta eima padia via awpa he a pha," a ta.

He achupasiana ama hnei nona heta, rao cancer hnei thiehpa chyhsa 317 hmôpapua ei ta.

He achupasiatuhpazy ta ama reipa cha, thopi/coffee/hmohropa eima dopazy cha a hluhna lâ - 700 ml châ sala,  a sahna (hotness) lâ 60 degrees Celsius châ sala, chata a châ khiahta cha rao cancer hnei theina a za chyh via ha, ama tah hra.