Japan ta Bei Thiehpa (Emperor) ama hnei ha bâ aw

Japan bei (Emperor) thiehpa Naruhito chata atanoh heta a rônah kawpa ta a paw â thlapa ta, Japan beidyuchhai ‘Viahpawpi’ (Chrysanthemum) hawhta tobipa cha âtyuhnie ha bâ aw.

Japan bei a châna hmiatua chaipa daihti â hmâna liata Naruhito heta Japan Imperial Treasures (Japan ryusôhpa) hneituhpa châna a hneipâ ha hra aw.

Japan beizy he ama râhchhôh ryureina Politics liata biehneina ama hnei taraw leipa ta, Japan chipho nata râh ngiana lai kawpa ama châ.

Naruhito paw, Emperor Akihito, kô 85 a tloh ha hrapa chata Hriaheihnoh khata Japan beidyuchhai thyusaipa ta a sawchapaw he avaw tlei hapa a châ. Ano he a hnatlâna chhao pha khao leipa ta, he vâna heta beidyuchhai he a thyusai hapa a châ.