MADC ta Sports a theipazy hnohta lymâ (Incentive Awards) hlâna hnei

SIAHA, 12 Chhiepa - Atanoh dawh 12:00 Noon liata MADC E & F Department Hall liata MADC Sports & Youth Services pachhuahpanohpa ta Siaha District moh paphatuhpa, Thyutliapazy Sports a theipazy hnohta lymâ, 'Incentive Awards' hlâna daihti ahmâpa a châ.

He daihti he Puhpa N. Zakhai, CEM, MADC ta khichhai laipa châpa ta â hmâkhei ta. CEM heta thyutliapa ama palyupalihpazy hnoh heta pasyupalina bie pha kawpa reina hnei ta, atahmâ liata chyhsa lâluahpa ama vaw châ hapa he padaihsa thlâh leipa ta atahmâ tawhta eima râh châta chyhsa hmâtlâh châ lymâ awpa ta khokheina a hlâ ei.

Puhpa JH. Beihnai, S & YO, MADC chhihthana ry liata hneipa Sports a theipazy hnohta lymâ hlâna daihti he, Puhpa K. Chhihrau, Sr. DAO, MADC ta Khazohpa lâta pavaosana thlahchhâna a hnei.

He daihti liata Sports nano nanopa liata a tao phapa lymâ hlâpazy cha -

Gold Medalist nahzy:-

1. T. Malsawmkima - Athletic
2. L. Vanlalduatsangi - Boxer
3. LH. Beihneisa - Boxer
4. LH. Vasupha - Boxer

Gold Medalist nahzy he Incentive Cash Award Rs.30,000/- nata Citation hlâpa ama châ.

Silver Medalist nahzy:-

1. NT. Beipatla - Boxer
2. L. Joseph Buihringpachha - Boxer
3. VL. Hmangaihchhunga - Boxer
4. T. Beirapathai - Boxer
5. Ramnghinglova - Boxer

Silver Medalist nahzy he Incentive Cash Award Rs.15,000/- nata Citation hlâpa ama châ.

He daihti liata Puhpa N. Vabeiratlua, Secretary, SDSC, Siaha nata Puhpa L. Khaichyu, MDC zy ta biereina chyupa hnei chyu hra ei ta, Puhpa A. Thazi, Instructor, S & YS Dep’t ta alynabie reina a hnei.

Hrua-eihpa Mara Idol Merina Hlychho nata K. Beilopha, Artiste zy ta hlasapa ta alykheina ama hnei hra.

- With inputs from MNN