UP : Buhchâh thlihpipa nata pachie vâta chyhsa 26 ama thi

Uttar Pradesh su nano nanopa liata buchâh thlih (Dust Storm) nata Pachie tlapa vâta chyhsa 26 thi ei ta, chyhsa 57 ta hmah phaohpa ta, O vâro tlai raopa ta thokô vâro tlai paopa ta, deichhyna rai a chatliena lâta hriapâ lymâpa a châ.

Chhiena heta Mainpuri district chanaoh pasa chaipa ta, Pohbiezâ khata pachie ta a daihpa vâta zy, O chopa ta a chothlupa vâta zy chyhsa 6 ta hrona pahlei ei ta; chyhsa 41 ta hmah phaohpa ta, thokô paopa ta lâthlôh a pakhâpazy vâta ahluahtheipa ahlaihlâna kyh liata rairuna lai kawpa a tlô.

Police zy chata he chhiena he khihsawzy mokuh pahâh lichih, amâ pachyh lei lichihta a tlôpa a châpa vâta, thina leina he a hluh pachaih, ama ta.

Mainpuri liata chyhsa 6 thi ei ta, Etah nata Kasganj liata pathôh raihrie, Farrukhabad nata Barabanki liata pano raihrie, Moradabad, Badaun, Pilibhit, Mathura, Kannauj, Sambhal, Ghaziabad, Amroha, Badaun nata Mahoba lianazy ta pakha chyu ama thi hra.