Châkhei khih ta Mizoram sawhkhâ chô liata palôhtlâhleina palâsa

Châkhei PHC liata Dawhty, Dr.F.Zothangliana cha Mizoram sawhkhâ ta Haulawng PHC lá pasie ta, anodeikua, ano â thlatuh awpa a kaw soh mâh leipa vâta Châkhei khih zawpi ta ano a kaw thlatuh awpa ama kaw soh hlâ via cha, Dr.F.Zothansanga he ama khih a puasai awpa pasaih leipa ta, palôhtlâhleina ama palása.

Châkhei biatuhpa MDC, K.Hrâhmô ta a reina dâh liata, Dr F.Zothansanga motor a vao haipa, Bolero cha, District thiehpa, Saitual district liata, CMO thiehpa ta â vao awpa ta Mizoram sawhkhâ heta Order papua ta. Châkhei zawpi palôhtlâhleipa ta lâthlôh a chhihpa ta, Doctor thiehpa piepa ama chã hlâ via cha ama khih Dawhty pasie hapa he ama khih tawhta â pasie awpa pasaih leipa ta, Road block zy taopa ta Mizoram sawhkhâ ama dycharao hai.

Source - Puhpa K.Hrâhmô, EM, MADC