Durtlang O chopa liata hrona a pahleipa chanô hawtipa ta châ a ropa

Zâhnia târi 2 Khihpa 2019 zâ liata Durtlang Leitan, Ramthar Vaih, Aizawl liata sawhkhâ ta rietheipazy pahrâna awpa châta O a sapa - Basic Service to Urban Poor (BSUP) Building, Block 2, 3 nata 4 - chhôhkha 18 rachhôhta ama tlô haipa a chopa liata chanô hawti, hrona a pahlei hapa - Lalnunfeli, Pihnô Lalngaihliani sawchanô, Py VI achuhaipa ta, "Pachutuhpa vaw châ h'aw sala/If I Were A Teacher" tahpa a ropa he vaw reih hra tua ma y. (Nohthlah liatapa hih)

BSUP Housing complex Durtlang, Aizawl liatapa he NPCC (National Project Construction Corporation Ltd ) nata Royal Infra Construction Ltd zy ta ama sapa nata mohôhpa châ ta. Kô 2009 tawhna khata sa pathaopa châ, zâkô 2018 khata pahypa châ ta. O (RCC building) 20 nata Community Hall sapa châ ta, building sâkha he chhôhkha hluhpi pahrâ theina awpa ta sapa a châ. Building sâkha lymâ sana châna heta Tlaw thysy 64 (lakhs) lymâ ryraopa châ ta, a zydua ta sana châta hryuhpa he tlaw thysâh 26.23 (Crore) a châ. He O he, riethei viapa, O nata lyu hnei leipazy châta sapa a châ.

 

He hawhta ama pahy tawhta daihti rei chhao a châ hlâta, a cho thlâh hapa he a pei hmeiseih.

Nieparuna tluta pei a hria pathuh viapa moleina he za y thlyu aw vei!!