Kaochao West chanô hawtipa ri hmôpa a châ ha

Zâhnia târi 13.07.19 zâlâ dawh 3:00pm rachhôhta ama O kiahpâh liata chavahkaopa tawhta eikhapi ta tihry laipa ta a lapa, chanô hawti, Lalengmawii kô-5 D/o Puhpa Vanlalthanga, Kaochao West ri cha Abeipanoh 14.07.19 taihta tlua pazao lymâpa a châ tawhta, a ri he hmôpa a châ haw.

Beinô chavah ti he a lai kawpa vâta a ri tluana kyh liata athata rairuna tlô ta. Chyhsa veiseihpazy nata YLA zy ta a ri he tlua pazao lymâpa ta, atanoh Abeipanoh nohchhôh dawh 12:15pm rachhôh khata a ri he Beinô chavah phaoh lymâpa ta Hruitezawl khih, Lai District liata ama vaw hmô.

Ama hmô patawnah heta a ri he Lalengmawii ri tlai a châ tahpa Phone ta a nohthlahpazy lapa ta ama pasia tawhta, CYLA, Lawngtlai zy ta a ri la awpa ta Hruitezawl khih ama ngaipâ ha hra.