Mara Boxer ta National Boxing Championship liata Bronze Medal la

1st Sub-Junior National Boxing Championship, târi 1st – 8th Khihpa, 2019 chhôhta Rohtak, Haryana liata hneipa liata Mara thyudyupa, LH Beihneisa S/o LH Vabei, Meisavaih, Siaha chata Bronze Medal a la.

He 1st Sub-Junior National Boxing Championship 2019, liana heta State nano nanopa liata Sub-Junior Boxer phapa a ki pha kaw ei ta, Team 33 tawhta Boxer 326 tlai amâ hlao.

LH. Beihneisa heta First Round liata Manipur Boxer pahnie ta, Second Round-liata Madhya Pradesh Boxer pahniepa ta, Quarter Final liata Himachal Pradesh Boxer a pahnie heih. Semi Final-liata deikua vâduachhih kawpa ta Services Boxer pha kawpa cha Point khat (1) deita pahnie leipa ta, Bronze Medal-a la hapa a châ.

LH. Beihneisa (kô 14) he Meisavaih East, Siaha liata khihsapa ta, Puhpa LH. Vabei nata Pihnô S. Bervalin sawchapaw châ ta. A hawti no tawhta SiDBA ry liata Boxing achupa ta, 37 Kgs below liata â khaih tyh.

State Level liata Gold Medal pariat nata Silver Medal pakhat (1) la ha ta, National Level-liata ei kha a puana liata Bronze Medal â chôpapua pâ hapa a châ.

LH. Beihneisa he Inter-District nata State Level Boxing Championship (37 Kgs below) liata Defending Champion châ hai ta, kô 2017 & 2018 khata State Level Boxing Championship-liata ‘Most Promising Boxer’ châta atlyhpa a châ ha hra.

LH Beihneisa he atanoh Pakhynoh khata Siaha District Sports Committee ta alykheina ama hnei.