Mizoram Dist. hryta Satellite tawhta ti a phahlapa District ama hmôpa a y chhôhpa Siaha District - DC, Siaha

Siaha, Khihpa 30 : Zãhnia Hriatuanoh zâlâ dawh 1:00Pm khata District Co-ordination Committee 'Jal Shakti Abhiyan, Siaha' pachhuahpanohpa ta 'Jal Shakti Abhiyan Awareness Campaign on Water Conservation and Rain Water Harvesting'  Siaha RD Block, BRC Hall-liata hmâpa a châ.

He daihti he Puhpa T. Vanlalmalsawmsanga Project Director, DRDA ta chhihthapa ta, Puhpa Bhupesh Chaudhary, IAS Deputy Commisioner, Siaha chata khichhailaipa châpa ta â hmâkhei.

Khichhailaipa chata, Siaha District cha Mizoram District hryta Ti a phahlapa Satellite tawhta ama hmôpa a y chhôhpa a châ tahpa ta, tihnawh pabohsapa nata ti chado thai kawpa ta hmâpa cha chyhsa to maophaohna a châ a ta. Tihnawh pabohsa awpa ta keimo mopakha O chhôhkhaohkha tawhta pathaopa ta, khihtlâh nata râh pôhpalôhpa pahlypa ta hmahla a ngiah ta, vâsuati pachô thai ta tho bô hluh awpa â ngiahzie reihpa ta, he daihti a vaw hlaopazy cha ama O chhôhkhaohkha nochâchyu tawhta pathao awpa a hrua ei.

He daihti a hmâna liana heta Pihnô Racheli, Scientist Plan & Protection, KVK, Siaha ta Power Point Presention hmâpa ta 'Tihnawh pabohsana nata ti hmâ a chadona dâh' pachuna hnei ta, hiaheihna nata achhyna daihti hmâpa a châ hra.

He daihti he Department nano nanopa vyuhtuapazy nata Govt Siaha College achuhaipazy, DIET achuhaipazy, Pachutuhpazy, V.C zy nata NGO nano nanopazy ta amâ hlao.

- DIPR