Thenzawl : Chapaw hawti kô 1 nata thla 4 rachhôhpa tipo liata tlasao

Târi 29 Khihpa 2019 (Hriatuanoh) zâlâ dawh 1:30Pm rachhôh khata chapaw hawtipa, kô 1 nata thla 4 rachhôhta uhtheipa, Francis Lalrempuia, Thenzawl UPC Vaih ama tahpa liata Puhpa Lalrinzuala nata Pihnô Laledenthari zy sawchapaw matlupa, ama saw hnei chhôhpa cha, ama O kiahpâh, ama laikathi ta liata Puhpa Lalduhzuala Ngazaona Tipo liata a tlasao.

He tipo he a pathuh leipa ta, feet 1 rachhôhta a pathuhpa châ ta, he chapaw hawtipa he ano khota he tipo lâ he a vawhpa ta pahnopa châ ta. O liata a y leipa vâta a nô ta ama Opanah O liatazy tlua laih ta; he hawhta a nô ta a tlua hai nona heta chapaw hawtipa ri, tipo liata ama hmô tahpa cha a nô hnohta ama vaw chho hapa a châ. (News na reipâ ta Website liata Ads zy he vaw hmie tyh hra ma y)

Ti liata a ri ama hmô patawnah heta hnabeiseihna lai kawpa ama hneipa vâta Thenzawl CHC ngaikheipa ta, ama theina zydua papuapa ta pachha thomo a chhuah hra ei sala, hawtipa ngiachhie a chhi kawpa he hrona ta a puasai haw!

Chapaw hawti vâduapa, Francis ri he atanoh Hriaheihnoh dawh 12:00Pm heta Thenzawl thlâ su liata pabupa a châ aw.

Source -  Liantluanga Renthlei, Editor, Vantawng Newspaper, Thenzawl