$572m cheih awpa ta Thohna taopapuatuhpa Johnson & Johnson Company hriepa ama châ

BBC : Khizaw liata Thohna nano nanopa taopapuatuhpa hryta lai chaipa py, Johnson & Johnson cha Oklahoma liata thohna chi nano nanopa, pasapachhana châta hmâpa ‘Opiod’ ama tahpa ‘Addiction’ vâta atymâna a tlô haipa liata amâ hlaohli hrapa vâta Oklahama state chata $572m cheih awpa ta a hrie.

Johnson & Johnson Company chata he bietluna he amâ khopalie awpa tahpa ama phuahpâ ha hra.

He biebuapa he he thohna taopapuatuhpa nata zuahtuhpa zy chô liata biebuapa a sâh hlei â ngiapa tawhta pachia tuachaipa a châ hra.

Opioids ta a pahlypa thohna zy he kô 1999 tawhta 2017 chhôhta Overdose (OD) vâta thina atlôpa 400,000 daihmâ liata maophaohtuhpa ama châpa hawhta US Centers for Disease Control and Prevention chata ama palâsa.

Kô 2000 rakha tawhna khata, Oklahama, USA liata chyhsa 6,000 rachhôh zy chata Opiods OD vâta hrona ama vaw pahlei ha hra, tahpa US State vyuhpa ta Company akhotuhpa dâhpahnopa ta a rei.

Atakô kôthaona lâchhâh khata, Oklahoma State chata OxyContin thohna taotuhpa Purdue Pharma cha $270m vaw pacheisa ha ta, Teva Pharmaceutical chhao $85m, avaw pacheisa ha hra.

Opiods cha khâpa maw?

Opioids ama tahpa cha thohna chi nano nanopa – codeine tawhta Heroin taihta a pahlypa; pasapachhana châta amâ pachao tyhpa thohnazy he ama châ.

Opiods liata ahlaopa thohna hryta dawhty ta a tlô chaipa, dâh pasaina ry liata a pachaopazy cha :

morphine

tramadol

fentanyl

methadone

diamorphine

alfentanil

Johnson & Johnson Company heta, he hawhpa thohna-zy he chyhsapazy châta chi â chhih, tahpa pahno thlâh hana chôta, âmo athôhna châta ama hmâh, tahpa ta baipa ama châpa vâta biebuapa amâ ao hapa a châ.