Amazon kâ hai : Brazil ta G7 ta baona ama pie awpa dytha

Brazil sawhkhâ chata, khizaw sawhkhâ thatlôpa nano nanopa apazaopakhypa, G7 râh ahmôpakhypazy ta Amazon râhhmâhpa mei ta kâ haipa pachhaina châta baona ama pie aw, ama tahpa cha, Brazil heta a dytha.

France khihpi, Paris liata G7 Summit 2019 atlôtuhpa, French President Emmanuel Macron – ta Amazon râhhmâhpa a kâ haipa pachhaina châta Brazil sawhkhâ hnohta $22m ama pie aw, tahpa avaw reih hapa kha châ ta. He baona sôh he Brazil chata la aw vei, tahpa ta ama dytha hapa a châ.

Brazil sawhkhâ chata he sôh ama dythana chhâpa he reih leipa ei ta. Châhrasala Brazil President Jair Bolsonaro chata France cha, ama râh bia kha, ama biehneina ry liata a ypa hawh deita Brazil cha a hmôpa hawhta a bai.

Brazil President chata, “Macron heta ama râh liata Achhyna-O, hlâno hmo sôh kawpa a tlohpa hmahta mei tawhta pabohsa thei vei” tahpa ta, “Amazon râh kâ haipa cha Brazil ta a kohki thei thlâh ha” a tah hra.