Afghanistan : Kabul liata Ahneina Kyhchhina liata Bomb-papa liata chyhsa 63 ama thi

KABUL: Zâhnia Pachyh zâ khata, Afghanistan khihpi Kabul liata Ahneina kyhchhina liata Thithlupa ta Bomb-papa liata chyhsa 63 thi ei ta, chyhsa 182 ta hmah ama phaoh.

He Bomb ta atlahnaona rarô-y kawpa he Taliban chata ama taopa châ vei, tahpa phuah ha ei ta. Kabul notla lâta, Muslim chi chyhpa, Shi'ite Muslim zy yna Vaih liata Bomb a pa nona heta, Ahneina kyhchhi a hlaopa zawpi ama hluh lichih a châ.

A thipa hry liana heta chanô nata hawtipazy chhao ama hluh kaw, tahpa Afghan Interior ministry biephuahtuhpa Nasrat Rahimi chata atanoh Abeipanoh khata a rei.

He atlahnaona he Taliban nata United States zy ta Afghanistan tawhta US pheisaihzy lapapua n'awpa dâh ama reipahmaoh hai nota a tlôpa a châpa vâta, khizaw nah a charaoh pachaih. US sawhkhâ heta Afghanistan sawhkhâ nahta Taliban zy ta hriaparaohna ama hnei phapa vâta a pheisaihzy lapapua awpa ta hmah a la hai no châ ta. He Bomb-papa heta Taliban zy moh a pachhie tlai khiahta cha, he adaohna he a rao pakhua thlâh ha thei.