China : Thlihpi Typhoon Lekima pathlipa vâta chyhsa 13 ama thi ha

Atanoh Pachyhnoh myrâhta China liata Thlihpipa, Typhoon Lekima pathlipa vâta chyhsa 13 ta hrona pahleipa ta, chyhsa thysâh hluhpi ta ama O nata lyu puasaipa ta abohna ama tlua.

China media-zy ta ama palâsana dâhta, chyhsa 13 ama thi hleikhôna heta, chyhsa 16-pazy cha leichopa vâta ama yna chybia pahno thei’pa châ mâh vei.

Typhoon Lekima heta Wenling khihpi, Taiwan nata China sôhpaliena khihpi Shanghai likah liata a ypa chanaoh ta. He thlihpi he a vaw pathli awpa chy lâchhâh khata nohkhih saichhieliena liata cha thlihpi paru kawpa, (super typhoon) tahpa a pahnosa chhieliepa châ ta, châhrasala a vaw pathli hmeiseih nota cha bâhta zie-y viapa ta, dawh kha liata km 187 (116mph) ta tlôpa ta a pathli.

Typhoon Lekima he he thâtih pachhuahpanoh hai nota cha Zhejiang province ngaipa ta a pahieh hai heihpa ta, chyhsa maluh 20 million pahrâna Shanghai, khihpi chanaoh thei awpa duasu liata â duah hai.

Thlihpi pathlipa heta dôhlatha tôh parao ta, thokô paopa nata tilapia vâta rairuna athata a tlô hai.