Premier League : Champion haipa Manchester City ta West Ham ama chaphie - Pachyhzâ akhaihna hropazy chhichâna
Champion haipa Manchester City ta â zaopa ta Premier League nyungiapa chalo awpa amâ chhuahna lâthlôh hmiatua chaipa liata rairuna a tyh leipa ta West Ham pahnie ei ta. He akhaihna liana heta VAR (video assistant referee) ta su a to hluh kaw.
Atahmâ Season tawhta VAR, he Premier League liata a ei kha n'awpa ta hmâ pathaopa châ ta. Man City châta Raheem Sterling ta 'hat-trick' a taona liata zy, Gabriel Jesus goal khôpa nata Sergio Aguero ta Penalty a chapie chanei thei n'awpa liata zy VAR he asaohiahpa châ ta. City heta 5-0 ta pahniena ama to.
Harry Kane ta daihti chhâna lâchhàh liata Goal 2 khôpa ta, Tottenham ta si 1 ama phaoh liahsa tawhta Aston Villa cha 3-1 ama tlyliah thiehpa, Tottenham Stadium liata ama pahnie. Season parohpa liata 4-na Spurs heta minute 9-na liata goal papua ei ta. Aston Villa châta John McGinn ta khichhaipa Villa hmia a sahna za khô ta; he he Tottenham heta £53m ta ama chaleipa Tanguy Ndombele hmâpa ta amâ zá pasu palie.
Season parohpa liata goal 17 khôtuhpa, Harry Kane a daihti ta liata a vaw luah heihpa ta, minute 4 chhôhta goal 2 za khôpa ta, Tottenham he 3-1 ta pahniena a tokhei hapa a châ.
Hmiathiehpa, Sheffield United, kô 2017 liata Championship cha rei lei, League One liata akhaih thlâh ha chypa, kô 12 a khô tawhta Premier League liata vaw kua heihpa chata Bournemouth cha 1-1 ta â pahniethaikheipa ta, Billy Sharp ta minute 88-na liata Bournemouth hmia a sahna, Chris Mepham ta a khôpa â zâ chhy palie.
Atahmâ nopi Player apasiena daihti liata Player peimawh kawpa thokha tah thei awpa lapangiatuhpa, Arsenal tawhta Alex Iwobi nata Italy forward Moise Kean lapangiatuhpa Everton cha ama khichhaina tlyliah Crystal Palace nahta, goal khô leipa ta amâ pahniethai.
He akhaihna liana heta Everton Player Morgan Schneiderlin cha minute 76-na liata Red Card hmôpa ta papuapa châ ta, Player a pasiena daihti liata pua hmâ khao leipa, Wilfried Zaha cha Bench liata patyusapa a chà.
Zâkô Season liata point 2 deita ta â bohpa Brighton, chata ama Boss thiehpa Graham Potter ry liata Season ama pathao pasu kaw.
Brighton heta zâkô FA Cup 2-na Watford cha 3-0 ta pahnie ei ta. Brighton châta goal khôtuhpazy he - Abdoulaye Doucoure, Florin Andone nata ama lapangia thiehpa, Neal Maupay zy ama chà.
Burnley chhaota pahniena topa ta Season pathao pasu ei ta, 3-0 ta Southampton cha Ashley Barnes goal 2 nata Johann Berg Gudmundsson ta goal kha a khôpa hmâpa ta ama pahnie hra.
Atazâ Dawh 9:00Pm heta Manchester United ta London Club laipa Chelsea cha Old Trafford liata vaw khichhai aw ei ta. Chelsea he ama Player parohpa, Frank Lampard sahlaota amâ vaw thao aw.
Old Trafford liata akhaihna ama pathao hlâna heta, Newcastle ta Arsenal hmiachhy aw ei ta, Wolves ta Leicester tlyliah ama ngai hra aw.
Atahmâ Season tawhta VAR, he Premier League liata a ei kha n'awpa ta hmâ pathaopa châ ta. Man City châta Raheem Sterling ta 'hat-trick' a taona liata zy, Gabriel Jesus goal khôpa nata Sergio Aguero ta Penalty a chapie chanei thei n'awpa liata zy VAR he asaohiahpa châ ta. City heta 5-0 ta pahniena ama to.
Harry Kane ta daihti chhâna lâchhàh liata Goal 2 khôpa ta, Tottenham ta si 1 ama phaoh liahsa tawhta Aston Villa cha 3-1 ama tlyliah thiehpa, Tottenham Stadium liata ama pahnie. Season parohpa liata 4-na Spurs heta minute 9-na liata goal papua ei ta. Aston Villa châta John McGinn ta khichhaipa Villa hmia a sahna za khô ta; he he Tottenham heta £53m ta ama chaleipa Tanguy Ndombele hmâpa ta amâ zá pasu palie.
Season parohpa liata goal 17 khôtuhpa, Harry Kane a daihti ta liata a vaw luah heihpa ta, minute 4 chhôhta goal 2 za khôpa ta, Tottenham he 3-1 ta pahniena a tokhei hapa a châ.
Hmiathiehpa, Sheffield United, kô 2017 liata Championship cha rei lei, League One liata akhaih thlâh ha chypa, kô 12 a khô tawhta Premier League liata vaw kua heihpa chata Bournemouth cha 1-1 ta â pahniethaikheipa ta, Billy Sharp ta minute 88-na liata Bournemouth hmia a sahna, Chris Mepham ta a khôpa â zâ chhy palie.
Atahmâ nopi Player apasiena daihti liata Player peimawh kawpa thokha tah thei awpa lapangiatuhpa, Arsenal tawhta Alex Iwobi nata Italy forward Moise Kean lapangiatuhpa Everton cha ama khichhaina tlyliah Crystal Palace nahta, goal khô leipa ta amâ pahniethai.
He akhaihna liana heta Everton Player Morgan Schneiderlin cha minute 76-na liata Red Card hmôpa ta papuapa châ ta, Player a pasiena daihti liata pua hmâ khao leipa, Wilfried Zaha cha Bench liata patyusapa a chà.
Zâkô Season liata point 2 deita ta â bohpa Brighton, chata ama Boss thiehpa Graham Potter ry liata Season ama pathao pasu kaw.
Brighton heta zâkô FA Cup 2-na Watford cha 3-0 ta pahnie ei ta. Brighton châta goal khôtuhpazy he - Abdoulaye Doucoure, Florin Andone nata ama lapangia thiehpa, Neal Maupay zy ama chà.
Burnley chhaota pahniena topa ta Season pathao pasu ei ta, 3-0 ta Southampton cha Ashley Barnes goal 2 nata Johann Berg Gudmundsson ta goal kha a khôpa hmâpa ta ama pahnie hra.
Atazâ Dawh 9:00Pm heta Manchester United ta London Club laipa Chelsea cha Old Trafford liata vaw khichhai aw ei ta. Chelsea he ama Player parohpa, Frank Lampard sahlaota amâ vaw thao aw.
Old Trafford liata akhaihna ama pathao hlâna heta, Newcastle ta Arsenal hmiachhy aw ei ta, Wolves ta Leicester tlyliah ama ngai hra aw.
No comments