Ramon Magsaysay Award 2019 : Chyhsa 5 hnohta hlâpa a châ

NEW DELHI: India News Channel alâluahpa, NDTV liata a hriapa, Ravish Kumar cha palyupalihna pasô a hlao kawpa, ‘Ramon Magsaysay Award 2019’ dao awpa ta atlyhpa a châ. Ravish Kumar he "Journalism hmâpa ta zawpizy châta hmotaotheina a piepa vâta" he palyupalihna he hlâpa a châ, tahpa Ramon Magsaysay Award pachhuahpanohtuhpazy chata ama rei. Ravish Kumar hleikôna heta kô 2019 Magsaysay award he mohropa papalih hnohta hlâpa a châ hra aw.

Ravish Kumar raohpa heta Ko Swe Win (Myanmar), Angkhana Neelapaijit (Thailand), Raymundo Pujante Cayabyab (Philippines) nata Kim Jong-Ki (South Korea)-zy cha he Award dao awpa ta atlyhpa ama châ.

Ramon Magsaysay Award Foundation chata Award Ryuchâ ama taopa liata, "In electing Ravish Kumar to receive the 2019 Ramon Magsaysay Award, the board of trustees recognizes his unfaltering commitment to a professional, ethical journalism of the highest standards; his moral courage in standing up for truth, integrity, and independence; and his principled belief that it is in giving full and respectful voice to the voiceless, in speaking truth bravely yet soberly to power, that journalism fulfills its noblest aims to advance democracy," tahpa ta Ravish Kumar he palyupalihna ama hlâna chhâpa ama rohpâ hra.