USA : Mongyuhpa Police 2-zy ta movyhpa ama patupa ama taotiana dâhta reipasipasua a hlao

Galveston, Texas, USA liata Police panopazy ta moleipa pakha, movyhpa ama patupa ama taotiana dâh chata reipasipasua a hlao ngaita kaw.

Adrienne Bell â tahpa ta Facebook liata Nohthlahpa a tawhpapuapa liata â lâna dâhta cha, he Police panopazy heta a râ sâno chô liata kiahpa ta, khawhri ta ama patupa, movyhpa chapaw pakha cha a ku liata bupa ta, pheita pasiesa ei ta, a râ chô tawhna heta viahchao hao ta ama haoh.

He chyhsa ama patupa he Neely, kô 43-ta uhtheipa châ ta. He hawhta Police pano ta arâ chô kiahpa ta amâ chhi nopa he avaw hmôtuhpazy ta nohthlah vaw lapa ta, Social Media liata tawhpapua ei ta. He nohthlahpa heta kô 1800 rachhôh liata movyhpa sei ta ama patupazy ama taotiana dâh ama palôh liata pathieh leithei vei, tahpa ta, Police panopazy hmotaopa cha ama reipasipasua. He hawhta maochhiena nata reipachhiena athata a ypa vâna heta, Galveston Police Chief Vernon Hale chata ngiathaina ahawpa ta, Neely ama patuna dâh cha, ‘Hmia apachhiena’ a châ, a ta.