EA Sports FIFA 20 liata Indian Super League a hlao aw
India râh liata EA Sports FIFA Games akhaih tyhpazy châta thâtih
lychhihpa, India Football châ chhaota apalaikheina tlâh a châ thei awpa hmo
tlôpa ta, India râh liata Football League alâluahpa, Indian Super League cha EA
Sports ta FIFA games ama tao heih awpa, EA SPORTS FIFA 20 liata pahlaopa a châ
ha bâ hra aw. Indian Spuer League he EA Sports FIFA 20 (Mobile version) liata
pahlaopa châ aw ta; he Games he atakô tawhta Mobile liata akhaih thei awpa
hawhta reipa a châ.
EA Sports heta FIFA 20 liana heta ama Games akhaihtuhpazy châta
hmo thieh nano nanopa ama bai awpa hleikhôta, India râh liata Football fans
nata khizaw su nano nanopa liata India Football Fans-zy châta thâtih lychhihpa
phuahpa ta, Indian Super League chhao FIFA 20 liana heta ama pahlao ha bâ hra
aw, tahpa ama phuahpâ hra.
EA Sports heta kô 2012 liata FIFA 13 Edition liana khata Indian
National Football Team cha vaw pahlao ha ei ta; kha khata India Football
pasâhsatuhpazy athata pahlaw ta, a palysa kawpa ei kha a châ.
ElectronicArts (EA) heta ISL Club duasu zy, Player-zy nohthlahpa
(Realistic Player Models) nata Stadium nohthlahpa ama taopazy liata biehneina
hnei aw ei ta; he tawhna heta ISL Club-zy ta athôhna sôh ama hmô hra aw. Mobile
Version ta papua tua aw ei ta, a hlaotlohna dâh reizie lymâ hawhta Desktop
(Xbox nata Sony Playstation)-zy hawhpa liata akhaih thei awpa ta
pachhuahpanohpa a châ lymâ hra aw.
He hawhta EA Sports ta biethiehpa ama hneipa heta India Football
fans-zy tha papawh kaw ta. He he ei hluhpi tlai amâ vaw haw hapa a châpa vâta
ama hlaotlohna hawhta a pachâpa ta, amâ ly ngaita kaw.
No comments