Wayne Rooney : Player nata Coach hawhta Derby County a pazao aw
England captain parohpa, atahmâ ta Major League Soccer (MLS), USA Club
DC United châta akhaih haipa, Wayne Rooney chata Championship club Derby County
cha Player nata Coach châ pakaoh awpa ta kô 2020 Nawh thlâpâ khita â pazao aw,
tahpa BBC Sport chata a palâsa.
Kô 33-ta uhtheipa forward, Manchester United liata akhaih tyhpa nata
England châta goal khô hluh chaipa, Wayne Rooney heta ‘the Rams’ he thla 18-chhôh
châta a pazao awpa ta biehraina a roh.
Rooney heta zâkô 2018 khata Washington-club DC United he Everton
tawhta a pazaopa ta, khaih 41 liata goal 23 a khô.
Rooney heta DC United liana heta kô no hropa daihti hnei thlâh ha
chy taraw hrasala, Derby a pazao awpa heta a paryhsa hapa a châ.
No comments