Australia : Awhkhypa ta nô machâpa pakha a thie

Canberra, Australi: Australia liata nô machâpa pakha cha, a awhzaona su liata Awhti-zy a la ngâhai nota, a awhkhy zaopa ta vaw tlahnaopa ta, hmah paphao ta, he vâna heta a thi.

He chanô he a moh palâsapa châ leipa ta, a awhkhypa zaopa heta a hmao ta vaw pachupa ta, athata vaw tlahnao ta, a tharipipa (Vein) a pachupa cha chie ta, a thisaih athata puapa ta, a hrona taihta a pahlei hapa a châ, tahpa Xinhua news agency chata a palâsa.

He hawhta Awhkhypa ta chyhsa a thie thlâh hapa he Forensic Expert pakha, Roger Byard, Adelaide University liatapa chata thlai achupasiapa ta, Australia chyhsazy cha ama sahroh zaopazy ta ama châta thina taihta a tlôkhei theinazie pachuna châta a hmâh.

He hmo a tlô hlâna chhao heta, Australia liana pyly heta nô pakha cha, a chhiezao ta khaohlia ta, a  thi puapa chhâ thai khao leipa ta, a vaw thi ha heih hra.