Mizoram : A paw ta a sawchapaw a kasao

Abeipanoh zâ dawh 8:20 rachhôh khata Hmuifangtlang Group YMA ôna chhôh liata a ypa, Thiak khih liata Puhpa Ramchhana chata a sawchapaw Rohmingthanga (34) cha meithei ta ka ta, cha-â leipa ta a thipâ ha.

Image for Representation only

Thiak Branch YMA chhihthatuhpazy ta ama reina liata, Puhpa Ramchhana heta a lahpinô Pihnô Lalngaizuali nahta saw 5, chapaw 3 nata chanô 2 hnei ta,  Rohmingthanga he a saw uhthei chaipa a châ. Rohmingthanga heta lahpinô hneipa ta, saw 2 ama hnei tawhta achhaih ei ta. Rohmingthanga heta sahma dohpa ta O chhôh liata buana tao tyh ta, O chhôh hmovaoh vâro tlai a zuah paru ha hra. A paw ta tho-âpa a sopazy chhao a zuah khai rô hapa hawhta ama rei.

Rohmingthanga heta Abeipanoh zâ khata sahma paripa ama o chhôh liata buana tao heih ta, a chhôhkhanah thie â chhuahpa ta chyhu a sa thlu ei. A paw, Puhpa Ramchhana nôpopa nata hiehâhpa chata meithei â la ta, a sawchapaw he a ka hapa a châ.

 Puhpa Ramchhana he Paw ativypa, khâpa hmahta hria ngiarohpa hnei leipa, tiama kawpa a châ. Sialsuk Police zy ta a su liata hmo yzie mohpasia ei ta, dâh hawhta Puhpa Ramchhana nata a meithei he patupa ei ta, Aizawl ngaikhei hapa a châ. 

A paw ta a kasaopa Rohmingthanga he atanoh Hriatuanoh heta 'post mortem' khai tawhta pabupa a châ aw.

- As posted by Zonunsanga Khiangte in Chanchinthar : World News FB