Hyderabad : A nô ta a chhorei hoh tu hapa vâta a viasapaw nahta a nô cha ama thie!
HYDERABAD: Nô nata paw zy chhoreina he atahmâhlâ thyutliapazy ta cha nahthlie khoh leipa ta, lâ chavei ama tly ha tyh. Atahmâ ta eima rei awpa chhao he a nô ta a hrozie do leipa a chhoreina khoh leipa ta, a nô, ano a satuhpa tlai hrona a latuhpa laihsa thâtih a châ.
Dwarka Colony, Hatyatnagar, Hyderabad liata chanô pakha kô 19-ta uhtheipa chata a nô, kô 38-ta uhtheipa, Rajitha, cha a viasa chapaw pakha nahta abaopasupa ta a rao ama riesao. He chanô heta a nô hrona a lapa he â daih tah thlâh leipa ta, a nô yna ama hiahrih nota, a paw ta a nô cha pazei tyh ta, chavâta O tawhta puapa ta, â vaw di ngâh khao vei, tahpa ta a paw baipâ lao heih. Châhrasala, haipa bie he cha tlyuh tlai vei; a hmotaopa cha thlai pahnopapuapa châ ta, he liahnycheina rarô-y kawpa he pahnopapuapa a châ hapa a châ. A nô ri he a thietuhpa a sawchanô nata a viasapaw heta zâ no tlai a riekhei ei ta; a nô ri kô liata sihryh kawpa khih ama sapâpa hawhta reipa a châ hra. Police zy chata he chanô thyudyupa nata a viasa panozy cha ama patupâ ha hra.
Hayathnagar police-zy ta ama reina dâhta, he chanô, kô 19-ta uhtheipa, Keerthi Reddy, hleikhôta a vâ-iapaw Bal Reddy nata a viasapaw Shashi zy cha bie hiahrihpasia awpa ta amâ vao hai, ama ta.
Târi 24, Phiata zâ khata ama thie hapa nô, Rajitha vahpa Srinivas Reddy, 'Lorry driver', cha a rai a hria khai tawhta ama O, Dwaraka Colony liatapa lâ cha a vaw di ta, châhrasala ama O he â vaw hrai ha. A lahpinô he a Mobile Phone tawhta bie a chho achhuah heih ta, châhrasala phone he â 'switched-off' syulyu ha. He khai tawhna heta a sawchanô Keerthi cha phone heih ta, a sawchanô heta Vizag liata a y thlâh ha chy, tahpa vaw chho ta. Srinivas chata a nô lei ha ta, Hyderabad lâ vaw kua para awpa ta a sawchanô he a chho. Châhrasala a sawchanô he he zâ heta a vaw di leipa ta, Pachyhnoh ta vaw tlôpa ta, a nô a lei, tahpa cha Police kô ama tlôkheipá ha hra.
He Police liata FIR ama pangiana liana heta ama sawchanô Keerthi heta a paw cha sahma zohpa (alcoholic) hawhta baipa ta, a nô nahta athata ahryuh tyh ei ta, ku taihta a pathla tyhpa hawhta a bai hra.
Police station tawhta O lâ amâ vaw di tawhna heta pawhrâhpa Srinivas chata a sawchanô Keerthi cha Vizag lâta a siena chhâpa nata thâtih zy hiahrih ta. A sawchanô ta a paw hiahrihna a paliena dâh sianô leipa chata a paw palôh liata a sawchanô ngâleina a sapapua haw. He hawhta a châ nona pyly he ta, nôhrâhpa Rajitha yna chybia pahnopa châ vei tahpa biethâh a theipa vâta, ama sawchanô vâ-iapa Bal Reddy paw chhao chata, pawhrâhpa Srinivas a hmô awpa ta ama O á vaw ngia ha heih hra.
Bal Reddy paw chata, ama sawchanô Keerthi cha a nô Rajitha ta ama O liata y chy awpa ta a tahpa vâta Hriaheihnoh tawhta Keerthi cha ama O lia a y ngâthlâh ha, tahpa a vaw reih haw. He hawhta Bal Reddy paw ta a vaw rei patawnah heta Srinivas chata a sawchanô Keerthi haipa bie a chho tahpa pahnopâpa ta Hayatnagar police zy a chhopâ hapa ei a châ.
Police zy ta bie ama hiahrihna liata Keerthi â phuahna liata cha a nô, Rajitha cha Phiata 19 khata a viasa pakha Shashi nahta ama thie. He hawhta ano a satuhpa, a nô tlaita a thie thlâh hana chhâpa he he noh, 19 Phiata noh heta a nô Rajitha heta a sawchanô he chapaw nano nanopa a pakaohpakâ tyhpa cha pathleih awpa ta chhorei ta. He hawhta a nô ta a chhoreipa he a ai tu hapa vâta Keerthi heta ama Opa liata a viasapaw Shashi, cha a nô thie awpa ta ryh a raokhei hapa a châ. He zâ liana heta Keerthi nata Shashi heta Keerthi nô Rajitha â mô thlâh hapa cha 'Saree' hmâpa ta a rao liata rie ei ta, a hrona ama la hapa a châ. He hawhta a nô ama thiepa dei he â daih tah leipa ta, Phiata noh 22 taihta a ei he O liana heta ykheipa ta, a nô ri kô liana tlai chata Keerthi nata a viasapaw he â ngialei kawpa ta ama ykhohpâ lao.
He hawhta a nô ri noh no chhôh ama sopa cha a roh vaw chhie pathao ta, he vâna heta a nô ri cha O tawhta puakheipa ta a viasapaw Shashi car ta phaohpa ta, Thummalaguda ngaikhei ei ta, Rail lâthlôh liata a piepasipa hawhta ama palâsa khohpa vâta cha liana chata a ri cha ama kei thy hapa a châ.
He khai tawhna heta Keerthi heta a nô Rajitha hawhta â reihpa ta, a vâ-iapaw Bal Reddy paw cha Phone tawhta bie a chhopa ta, a no cha a nô (Rajitha) hawhta â reihpa ta, a paw Srinivas Reddy nahta Yadadri Thohna-O liata y haipa ta â reihpa ta, ama sawchanô cha ama O liata pa-ysa chy awpa ta a nô hawhta â vaw haw. A vâ-iapawnah O liata a y chhôh heta, Keerthi he a paw ta vaw phone ta, a paw cha dôvei heihpa ta, Vizag lâ a siepa hawhta â reih ha heihpa a châ.
A nô ri he Railway liata a hriapazy ta hmô ei ta, ama vaw pabu hmâ ha hra.
He hawhpa he atahmâhlâ khizaw liata pahno awpa a hluh kaw bà! Eima nô nata paw zy he eima lei khazohpa, hmodopa miah pahmôtuhpa ama châ, tahpa my kha ei suh u.
Dwarka Colony, Hatyatnagar, Hyderabad liata chanô pakha kô 19-ta uhtheipa chata a nô, kô 38-ta uhtheipa, Rajitha, cha a viasa chapaw pakha nahta abaopasupa ta a rao ama riesao. He chanô heta a nô hrona a lapa he â daih tah thlâh leipa ta, a nô yna ama hiahrih nota, a paw ta a nô cha pazei tyh ta, chavâta O tawhta puapa ta, â vaw di ngâh khao vei, tahpa ta a paw baipâ lao heih. Châhrasala, haipa bie he cha tlyuh tlai vei; a hmotaopa cha thlai pahnopapuapa châ ta, he liahnycheina rarô-y kawpa he pahnopapuapa a châ hapa a châ. A nô ri he a thietuhpa a sawchanô nata a viasapaw heta zâ no tlai a riekhei ei ta; a nô ri kô liata sihryh kawpa khih ama sapâpa hawhta reipa a châ hra. Police zy chata he chanô thyudyupa nata a viasa panozy cha ama patupâ ha hra.
Hayathnagar police-zy ta ama reina dâhta, he chanô, kô 19-ta uhtheipa, Keerthi Reddy, hleikhôta a vâ-iapaw Bal Reddy nata a viasapaw Shashi zy cha bie hiahrihpasia awpa ta amâ vao hai, ama ta.
Târi 24, Phiata zâ khata ama thie hapa nô, Rajitha vahpa Srinivas Reddy, 'Lorry driver', cha a rai a hria khai tawhta ama O, Dwaraka Colony liatapa lâ cha a vaw di ta, châhrasala ama O he â vaw hrai ha. A lahpinô he a Mobile Phone tawhta bie a chho achhuah heih ta, châhrasala phone he â 'switched-off' syulyu ha. He khai tawhna heta a sawchanô Keerthi cha phone heih ta, a sawchanô heta Vizag liata a y thlâh ha chy, tahpa vaw chho ta. Srinivas chata a nô lei ha ta, Hyderabad lâ vaw kua para awpa ta a sawchanô he a chho. Châhrasala a sawchanô he he zâ heta a vaw di leipa ta, Pachyhnoh ta vaw tlôpa ta, a nô a lei, tahpa cha Police kô ama tlôkheipá ha hra.
He Police liata FIR ama pangiana liana heta ama sawchanô Keerthi heta a paw cha sahma zohpa (alcoholic) hawhta baipa ta, a nô nahta athata ahryuh tyh ei ta, ku taihta a pathla tyhpa hawhta a bai hra.
Police station tawhta O lâ amâ vaw di tawhna heta pawhrâhpa Srinivas chata a sawchanô Keerthi cha Vizag lâta a siena chhâpa nata thâtih zy hiahrih ta. A sawchanô ta a paw hiahrihna a paliena dâh sianô leipa chata a paw palôh liata a sawchanô ngâleina a sapapua haw. He hawhta a châ nona pyly he ta, nôhrâhpa Rajitha yna chybia pahnopa châ vei tahpa biethâh a theipa vâta, ama sawchanô vâ-iapa Bal Reddy paw chhao chata, pawhrâhpa Srinivas a hmô awpa ta ama O á vaw ngia ha heih hra.
Bal Reddy paw chata, ama sawchanô Keerthi cha a nô Rajitha ta ama O liata y chy awpa ta a tahpa vâta Hriaheihnoh tawhta Keerthi cha ama O lia a y ngâthlâh ha, tahpa a vaw reih haw. He hawhta Bal Reddy paw ta a vaw rei patawnah heta Srinivas chata a sawchanô Keerthi haipa bie a chho tahpa pahnopâpa ta Hayatnagar police zy a chhopâ hapa ei a châ.
Police zy ta bie ama hiahrihna liata Keerthi â phuahna liata cha a nô, Rajitha cha Phiata 19 khata a viasa pakha Shashi nahta ama thie. He hawhta ano a satuhpa, a nô tlaita a thie thlâh hana chhâpa he he noh, 19 Phiata noh heta a nô Rajitha heta a sawchanô he chapaw nano nanopa a pakaohpakâ tyhpa cha pathleih awpa ta chhorei ta. He hawhta a nô ta a chhoreipa he a ai tu hapa vâta Keerthi heta ama Opa liata a viasapaw Shashi, cha a nô thie awpa ta ryh a raokhei hapa a châ. He zâ liana heta Keerthi nata Shashi heta Keerthi nô Rajitha â mô thlâh hapa cha 'Saree' hmâpa ta a rao liata rie ei ta, a hrona ama la hapa a châ. He hawhta a nô ama thiepa dei he â daih tah leipa ta, Phiata noh 22 taihta a ei he O liana heta ykheipa ta, a nô ri kô liana tlai chata Keerthi nata a viasapaw he â ngialei kawpa ta ama ykhohpâ lao.
He hawhta a nô ri noh no chhôh ama sopa cha a roh vaw chhie pathao ta, he vâna heta a nô ri cha O tawhta puakheipa ta a viasapaw Shashi car ta phaohpa ta, Thummalaguda ngaikhei ei ta, Rail lâthlôh liata a piepasipa hawhta ama palâsa khohpa vâta cha liana chata a ri cha ama kei thy hapa a châ.
He khai tawhna heta Keerthi heta a nô Rajitha hawhta â reihpa ta, a vâ-iapaw Bal Reddy paw cha Phone tawhta bie a chhopa ta, a no cha a nô (Rajitha) hawhta â reihpa ta, a paw Srinivas Reddy nahta Yadadri Thohna-O liata y haipa ta â reihpa ta, ama sawchanô cha ama O liata pa-ysa chy awpa ta a nô hawhta â vaw haw. A vâ-iapawnah O liata a y chhôh heta, Keerthi he a paw ta vaw phone ta, a paw cha dôvei heihpa ta, Vizag lâ a siepa hawhta â reih ha heihpa a châ.
A nô ri he Railway liata a hriapazy ta hmô ei ta, ama vaw pabu hmâ ha hra.
He hawhpa he atahmâhlâ khizaw liata pahno awpa a hluh kaw bà! Eima nô nata paw zy he eima lei khazohpa, hmodopa miah pahmôtuhpa ama châ, tahpa my kha ei suh u.
No comments