Mara satlia riahphapa ta India Pheisaih riahphapazy palyupalihna a sâhpa a dao
Marapa, India pheisaih, Assam Rifle a châ haipa, Puhpa Benjamin Beingaichhô, Mawhro cha - India pheisaih ta kao nano nopa liata chyhsa riahphapa nata rai a hriaphapazy palyupalihna a vaw hlâ tyhpa, cha hry liata palyupalihna a sâh chaipa hrytapa 'SENA MEDAL' hlâpa a châ.
Puhpa Benjamin Beingaichhô heta he 'SENA MEDAL' he kô 2012 Nawh 18 khata, Eastern Command Investiture Ceremony, Kolkata, West Bengal, India liata a vaw dao syulyu ha tarawpa ta, Marasaw zy ta a thâtih eima vaw pahnopa deikua atakô 2019 heta a vaw châ syulyu haw.
He hawhta palyupalihna a sâhpa, Marasaw ta a daopa tlai khazia ma eima pahno hawh kaw? tahpa hiahrihna chhao a y thei aw.
Marasaw he byhnâ hluhpi dao pi ta, eima raihriana nata yna su zy liata Abeipa khokheina dao pi ta, py, sawhkhâ etc zy tawhta palyupalihna vaw dao tyh pita, thokha cha eima yna su âchu leipa vâta zy ta eima pahno chho leipa zy nata aphualuah awpa kholeina vâta ama lymâ daopazy pahno leipa nata eima thei leipa hluhpi a y thei hra. He hawhta chyhsa hlaotlohpa nata raihriana liata palyupalihna adaopazy he Mara zawpi ta a cheihchalo via ei sihla, pasâhsa via ei sihla, a palahâhna kyh liata tiama via ei suh u.
Riahphana Lymâ/palyupalihna (GALLANTRY AWARD) he sâno y ta, cha hry liata sâkhapa cha Sena Medal he a châ - He award he chyhsa riahphapa nata chariah hmia liata riahphapa, pahnietuhpa zy hnohta ama vaw hlâ tyh.
Puhpa Benjamin he kô 2010 khata India state miakha liata a y nota, maheipazy (terrorist) ta ama yna Camp vaw chho/tlahnao ei ta, he liana heta athata â ka ei ta; Puhpa Benjamin heta riahpha kawpa ta maheipazy he avaw dyuh palie ta, maheipa khazie rakhama cha a kasao hra. He liata a riahphana vâna heta he SENA MEDAL he ama hlâ hapa a châ.
He medal/palyupalihna heta hmo hluhpi a chakaih ta. He palyupalihna daotuhpazy cha Service pay scale, train, Flight ticket zy liata khokheina ama dao. Kô 2012-khata 'Government of Mizoram' chata Puhpa Benjamin he alykheina sôh Rs thysy 3 (Lakhs) chhao a vaw hlâ hrapa kha a châ.
Mara saw he hawhta pasaihphapa eima hneipa he thyutliapa zy ta pahno leipa ta eima y pathlei awpa pasaih leipa pi ta, eimâ palaikheizie palâsana châta kô 2012 liatapa kha, eima vaw palâhâh chanei heihpa a châ.
Source - Mara Pasaiphazy Opi
Puhpa Benjamin Beingaichhô heta he 'SENA MEDAL' he kô 2012 Nawh 18 khata, Eastern Command Investiture Ceremony, Kolkata, West Bengal, India liata a vaw dao syulyu ha tarawpa ta, Marasaw zy ta a thâtih eima vaw pahnopa deikua atakô 2019 heta a vaw châ syulyu haw.
He hawhta palyupalihna a sâhpa, Marasaw ta a daopa tlai khazia ma eima pahno hawh kaw? tahpa hiahrihna chhao a y thei aw.
Marasaw he byhnâ hluhpi dao pi ta, eima raihriana nata yna su zy liata Abeipa khokheina dao pi ta, py, sawhkhâ etc zy tawhta palyupalihna vaw dao tyh pita, thokha cha eima yna su âchu leipa vâta zy ta eima pahno chho leipa zy nata aphualuah awpa kholeina vâta ama lymâ daopazy pahno leipa nata eima thei leipa hluhpi a y thei hra. He hawhta chyhsa hlaotlohpa nata raihriana liata palyupalihna adaopazy he Mara zawpi ta a cheihchalo via ei sihla, pasâhsa via ei sihla, a palahâhna kyh liata tiama via ei suh u.
Riahphana Lymâ/palyupalihna (GALLANTRY AWARD) he sâno y ta, cha hry liata sâkhapa cha Sena Medal he a châ - He award he chyhsa riahphapa nata chariah hmia liata riahphapa, pahnietuhpa zy hnohta ama vaw hlâ tyh.
Puhpa Benjamin he kô 2010 khata India state miakha liata a y nota, maheipazy (terrorist) ta ama yna Camp vaw chho/tlahnao ei ta, he liana heta athata â ka ei ta; Puhpa Benjamin heta riahpha kawpa ta maheipazy he avaw dyuh palie ta, maheipa khazie rakhama cha a kasao hra. He liata a riahphana vâna heta he SENA MEDAL he ama hlâ hapa a châ.
He medal/palyupalihna heta hmo hluhpi a chakaih ta. He palyupalihna daotuhpazy cha Service pay scale, train, Flight ticket zy liata khokheina ama dao. Kô 2012-khata 'Government of Mizoram' chata Puhpa Benjamin he alykheina sôh Rs thysy 3 (Lakhs) chhao a vaw hlâ hrapa kha a châ.
Mara saw he hawhta pasaihphapa eima hneipa he thyutliapa zy ta pahno leipa ta eima y pathlei awpa pasaih leipa pi ta, eimâ palaikheizie palâsana châta kô 2012 liatapa kha, eima vaw palâhâh chanei heihpa a châ.
Source - Mara Pasaiphazy Opi
No comments