Premier League : Son Heung-min châta zâ pachârôhna nata thlahzohna ta a biepa liata Red Card a hmôpâ!
Abeipanoh Premier League akhaihna liata hmo rarô-y kawpa tlôpa ta, Everton Player Andre Gomes cha Tottenham Player Son Heun-min nahta Ball amâ chhuna liata Gomes heta hmah rarô-y kawpa phaohpa ta, a phei tlie ta, a phei he Tv tawhta chhao â thlie thlâh ha ta, a rarô-y kaw.
He hmo he minute 77-na liata Everton tlyliah, Goodison Park liata Tottenham ta 1-0 ta hmia amâ sah nota a tlôpa châ ta; he Gomes nahta ball amâ chhuna liata Gomes phei a tliepa vâna heta South Korean Son Heung-min he â thailei ngâsâ ha ta, pachârôhpa nata mothlih chhaota, a vâ hmahta ua leipa ta a y thlàh ha ha. Son he Referee ta Yellow Card pie tua ta, Gomes hmah phaona dâh a kei mohpasia tawhta Red Card tlao a pie lilaw heih.
Son hleikhôna heta, Player hropa Gomes hmahphaohna dâh hmôpasiatuhpazy chhao y molo thei vei ei. Chihuna nata thlahzohna ta bie ei ta, Gomes hmah rarô-y kawpa chata âmo liata athata chihuna a tu hmeiseih. Hmia phao a huapa nata, thlahzohna vâta a chalyu leipa rai y vei ei.
Son heta Gomes ta Ball a topa cha chhu a chhuahpa ta a kei chakhao thlu ta, châhrasala a hlaotloh vei. Tlao Gomes he hmah a phaohpa vâta athata â rôh ngâkaw.
Tottenham liata Son nahta apakyh kawpa, Dele Alli chata, “Gomes hmah phaona dâh kha a moh hmahta moh ngâh tu vana. Ei tao theipa a y chhôhpa cha tlâh para awpa ta khokheina hlâpa deita a châ.
“Kha hmotlôpa vâna khata Son kha keichheih hmeiseih ta, a mothlih chhaota â tyuh thlâh ha. Son he chyhsa pha kawpa châ ta, tlaichhai a chhih kawpa a châ. Khahawhpa hmo kha palôhru chhiepa phaohpa ta chyhsa chô liata a patlôsa khoh na ta pangiasa a chhih vei.
"A vâ hmahta ua vei. Dressing Room liata mothlih chhaota â khu ngâthlâh ha” a ta.
Andre Gomes he a vâdua ngâsâ ha. Son heta Ball avaw chhu awpa achhuahpa ta avaw chakhao thlu ta, he raohpa heta hiakha lâ tawhta Aurier ta â vaw chakhao thlu heih pyly hra. Anodeikua, Aurier ta à vaw chakhao thlu hlâna heta Son vâta a paona liata Gomes phei he a tlie hapa a lyu kaw.
He akhaihna liana heta Everton nata Tottenham zy he 1-1 ta amâ pahniethai.
He hmo he minute 77-na liata Everton tlyliah, Goodison Park liata Tottenham ta 1-0 ta hmia amâ sah nota a tlôpa châ ta; he Gomes nahta ball amâ chhuna liata Gomes phei a tliepa vâna heta South Korean Son Heung-min he â thailei ngâsâ ha ta, pachârôhpa nata mothlih chhaota, a vâ hmahta ua leipa ta a y thlàh ha ha. Son he Referee ta Yellow Card pie tua ta, Gomes hmah phaona dâh a kei mohpasia tawhta Red Card tlao a pie lilaw heih.
Son hleikhôna heta, Player hropa Gomes hmahphaohna dâh hmôpasiatuhpazy chhao y molo thei vei ei. Chihuna nata thlahzohna ta bie ei ta, Gomes hmah rarô-y kawpa chata âmo liata athata chihuna a tu hmeiseih. Hmia phao a huapa nata, thlahzohna vâta a chalyu leipa rai y vei ei.
Son heta Gomes ta Ball a topa cha chhu a chhuahpa ta a kei chakhao thlu ta, châhrasala a hlaotloh vei. Tlao Gomes he hmah a phaohpa vâta athata â rôh ngâkaw.
Tottenham liata Son nahta apakyh kawpa, Dele Alli chata, “Gomes hmah phaona dâh kha a moh hmahta moh ngâh tu vana. Ei tao theipa a y chhôhpa cha tlâh para awpa ta khokheina hlâpa deita a châ.
“Kha hmotlôpa vâna khata Son kha keichheih hmeiseih ta, a mothlih chhaota â tyuh thlâh ha. Son he chyhsa pha kawpa châ ta, tlaichhai a chhih kawpa a châ. Khahawhpa hmo kha palôhru chhiepa phaohpa ta chyhsa chô liata a patlôsa khoh na ta pangiasa a chhih vei.
"A vâ hmahta ua vei. Dressing Room liata mothlih chhaota â khu ngâthlâh ha” a ta.
Andre Gomes he a vâdua ngâsâ ha. Son heta Ball avaw chhu awpa achhuahpa ta avaw chakhao thlu ta, he raohpa heta hiakha lâ tawhta Aurier ta â vaw chakhao thlu heih pyly hra. Anodeikua, Aurier ta à vaw chakhao thlu hlâna heta Son vâta a paona liata Gomes phei he a tlie hapa a lyu kaw.
He akhaihna liana heta Everton nata Tottenham zy he 1-1 ta amâ pahniethai.
No comments