UFC 244 : Masvidal ta Nate Diaz a pahnie - US President Donald Trump zawpi ta ama eilaw!

Abeipanoh my ta UFC 244 atuna, Madison Square Garden liata Masvidal ta Nate Diaz pahniepa ta, UFC liata chaisaina thiehpa BMF chaisai â sai haw. Masvidal he WWE star nata Hollywood star Dwayne "The Rock" Johnson ta chaisaina he a pasai.

UFC 244 liata zawpi hâdy chaipa, Masvidal nata Nate Diaz zy atuna he ‘Round 3’-na liata pachhâsapa châ ta, Nate Diaz he a hmah phaopa dawhtyzy ta ama mohpasia tawhta a tu pazao khao lei awpa ta ama tahpa vâta Masvidal he tlôpa ta phuahpa a châ hapa a châ. UFC 244 he UFC thâtih liata he hawhpa atuna ei 500 ama pachhuahpanohna châ ta, US President Donald Trump chhaota a su liata a moh hra.

Masvidal hleikhôna heta UFC liata pahno a hlaopa Darren Till, Stephen Thompson, Derrick Lewis nata Kevin Lee zy ta pahnie to khai hra ei ta. Till heta Kelvin Gastelum cha ‘Split decision’ ta a pahnie.

Thompson ta Vicente Luque pahnie ta, Lewis ta âtukheipa Blagoy Ivanov cha ‘Split decision’ pyly ta pahniepa ta, and Lee heta pahnietuhpa a tyh mâh leipa, Gregor Gillespie cha ‘Round 1-na’ liata a luh liata chapiepa ta a ‘knock-out’.

UFC 244 liata a hmiachhypazy nata amâ pahniena dâh :

* Jorge Masvidal def. Nate Diaz via TKO (dawhtyzy ta ama chalihsa) Round 3

* Darren Till def. Kelvin Gastelum via split decision (27-30, 29-28, 30-27)

* Stephen Thompson def. Vicente Luque via unanimous decision (30-26, 30-26, 29-27)

* Derrick Lewis def. Blagoy Ivanov via split decision (30-27, 28-29, 29-28)

* Kevin Lee def. Gregor Gillespie via KO (head-kick) at 2:47 of Round 1

* Corey Anderson def. Johnny Walker via TKO (strikes) at 2:07 of Round 1

* Shane Burgos def. Makwan Amirkhani via TKO (strikes) at 4:32 of Round 3

* Edmen Shahbazyan def. Brad Tavares via KO (head-kick) at 2:27 of Round 1

* Jairzinho Rozenstruik def. Andrei Arlovski via KO (strike) at :29 of Round 1

* Katlyn Chookagian def. Jennifer Maia via unanimous decision (29-28, 29-28, 29-28)

* Lyman Good def. Chance Rencountre via TKO (strikes) at 2:03 of Round 3

* Hakeem Dawodu def. Julio Arce via split decision (29-28, 28-29, 29-28)

UFC 244 liata US President Donald Trump ama awsao!

UFC 244 a su liata a mohtuhpa, US President Donald Trump cha Ultimate Fighting Championship (UFC), New York liana heta a eilawnazie ta a awsaotuhpa nata avaw lytuhpa amâ kho rô aw, tah thei awpa châ ta. UFC 244 ziza a pasâh kaw.

President Trump he kô 2020 US President atlyhna liata a duah hra awpa, US Vice President Joe Biden alaichadai awpa ta Ukraine President Volodymyr Zelensky a tuah raruah, tahpa ta baina vâta US President tawhta pathla awpa ta a chôchâh pachiana (Impeachment) hmiachhy awpa châ ta, he vâna heta ano a châhleituhpazy ta ama eilaw kaw.

Trump nata UFC heta azaona â pathuh kawpa hnei ei ta. Ultimate Fighting Championship (UFC), ama tahpa he American MMA promotion company châpa ta. Kô 1993 khata he Company heta ataopasuana hmiatua chaipa ama vaw pathao.

UFC President Dana White he US President Trump nahta khahlâ tawhta a vaw viasa hapa châ ei ta. Media lâchhâh liata sôhpaliena lai kawpa a hnei hrapa, Trump heta media hropazy ta UFC ataopasuana ama papua khoh lei nota, vaw papuapa ta, UFC hmahsiena châta chhâhchabi peimawh kawpa vaw taotuhpa a châ.

He vâna heta UFC President Dana White chata, "Donald Trump chôchâh liata a chhiena lâta pakah â beih aw vana; eima duasu a chhie chaina daihti liata keimo châta baotuhpa a y chhôhpa a châ,” a tahpâ ngâkaw. Kô 2016 US President atlyhna châta Campaign ama siekhei ngâ nona chhao khata Dana White heta Trump châta biereina zy a vaw hnei ha hrapa a châ.