UP : A lahpinô thietuhpa zawpi ta tlahnaopa ta ama physao!

Fatehpur districy, Uttar Pradesh liata paw pakha, kô 40-ta uhtheipa cha a lahpinô thiepa ta ama khih tawhta â râ awpa â chhuahpa cha, khihsawzy ta pachhai ei ta, ama physao, tahpa Police-zy ta ama rei.

He chyhsa, Nisar Qureshi tahpa pahnopa zawpi ta ama thie nopa he video ta lapa châ ta, Social media liata hiezawhpa a châ. He hmotlôpa nahta ahniahnipa liata chyhsa pathôh patupa ama châpâ ha hra.

Uttar Pradesh Director General of Police OP Singh ta Amethi liata thâtihthiehpa lapakhytuhpazy â pakyhna liata he hmo he Pakhynoh khata tlô ta, zawpi ta ama physao hapa Qureshi he Chhattisgarh-pa châ ta, Fatehpur liana heta a lahpinô chhôhkhazy tlypa ta khih vaw tlypa a châ.

Qureshi heta a lahpinô Afsari (35) he ahrei ta a chaisaopa ta, a lahpinô a thiepa hleikhôna heta a lahpinô narônô nata a lahpinô nô (A pihnô)-zy cha hmah a paphaopâ hra. Qureshi heta he hawhta a lahpinô a thie khai tawhna heta khih tawhta a râ awpa a chhuah ta, he he chyhsa ta pachhai ei ta, zawpi a pôhpakhypazy ta ama physao hapa a châ, tahpa India Today chata a palâsa.