USA Marasaw nata BUSINESS - Sôhpaliena

USA liata Marasaw he chhôhkha tlyma, mopakha tlyma, 'Business' taopa ta raihriapa he y hluhtu vei ei. Châhrasala he eima vaw palâsapa nawhzy he ama chhôhkha Business ta raihriana a hneipazy ama châ.

USA Marasaw zy ta ama taopa, Sushi daoh 3 y ta - he Business a taopazy he Puhpa Pawtha Khaimiechhô, Puhpa Bienemâ/Biesôh - ano heta Sushi Daoh 2 a hnei. Sâthôhna he Puhpa Khin Mg Sushi daoh a châ.

Henahzy chhôhkha he Business taopa ta USA liata khih asapa châ ei ta; ama Business chhao pha kaw ta, âmo sasyh ta nietluana a hneipazy ama châpa vâta pasâhsa amà chhih kaw.

USA râh liata Sushi ta Business a taopazy azuah phana su liata cha Dollars hmôna rai nao ta; Business a thôh kawpa a châ.

Sushi he niebaw pahâh kawpa nata mâ ru kawpa ni ebaw châ ta, chyhsa thokha châta chhochhi cha nohchareih nie thei awpa châ leipa ta, hneirôhpa chyhsa zy deikua nohchareih ama nie thei lymâpa hmo a châ.

USA râh liata Marapa chyhsa nata thotlâhpa zy cha Sushi Business a taopâ leipa ta Dollars hnei hluh awpa a rairu ngâsâ. Sushi daoh hnei ta, chhôhkha Business ataopazy leipa ta cha Dollars hneirôhpa chyhsa he y zawrâ thlyu aw vei ei.

Source - Pawhrau Hlichhy, USA