Ukraine zawtheina kha eima ka pathlah tlamaw ha - Iran

Iran chata zâkhahnia ta Ukraine zawtheina tlapa, chyhsa 176 ama thina cha ‘Ama ka pathlah tlamawpa’ tahpa ama reih haw.

Iran President Hassan Rouhani chata, "Chyhsapa taochheipa zawzi ta zawtheina kha missile ta ka pathlah tlamawpa a châ", tahpa ta, “A ngiathai thei lei awpa taopasina tlaina a châ” a tah hra.

Iran pheisaih biepuapa chata kha Ukraine zawtheina kha su a boh lei kawpa liata a vaw zaw ta, Iran Revolutionary Guards zy yna su a vaw zaw pakhôpa ta, hmiahaopa zawtheina khiahma tahpa ta ama ka hapa a châ, ama ta.

Iran heta a thaota no khata cha zawtheina kapathlahtuhpa hawhta ama vaw baipa kha a dytha hapa kha a châ.

Ukraine International Airlines flight PS752 zawtheina, Pakhynoh ta ama ka pathlahpa kha, Iran ta Iraq liata US pheisaihzy yna su Missile ta a ka nota a tlôpa a châ.