Lebanon : Beirut khihpi liata chhiena rarô-ypa a tlôpa liata chyhsa 70 ama thi
Hriaheihnoh ta Lebanon khihpi, Beirut, liata Ammonium Nitrate sopakhyna su papa vâta chhiena a tlôpa liata chyhsa 70 rachhôhta hrona pahlei ei ta, chyhsa 4,000 ta hmah ama phaoh, tahpa Lebanese health minister ta a rei.
Lebanon khihpi, Balyh apahâna su liata pa theipa, Ammonium Nitrate ama sopakhypa a papa he a rarô-y kaw ta, Bomb thatlô kawpa papa hawhta meikhuh nata meipaleih a kaw duahpa ta, a pana su nata chheipâh zydua chalyu pahnie kaw ta, a chheipâh liata O nata lyu, ahluahtheipa a ypazy chhao a chakhie-chadawh pahnie kaw.
Lebanon sawhkhâ biehneituhpazy chata he hmo rarô-y kawpa a tlôpa kyh liana heta, hmo sona su liata kô charu chhôh Ammonium Nitrate ama sopakhypa cha bai chai ei ta.
Lebanon President Michel Aoun chata Ammonium Nitrate, Tonnes 2,750 tlai ama â boh lei kawpa ta ama sopakhypa cha a pyh thai a ru kaw, tahpa Twitter liata a tawhpapuapâ ha.
He chhiena a tlôna chhâpa nata thabypa chhao thlai alaichadaipã lymâpa châ ta. Lebanon's Supreme Defence Council chata he chhiena a tlôpa liata maohphaohtuhpazy cha a pasa thei chaina hawhta hriepa ama châ aw, a tah hra.
President Aoun chata he chhiena vâta hrona a pahleipazy châta mâchhiesana cha noh 3 chhôh hmâpa a châ aw tahpa ta, sawhkhâ tawhta baona 100 billion lira (£50.5m; $66m) pie papuapa a châ aw, a tah hra.
Lebanon khihpi, Balyh apahâna su liata pa theipa, Ammonium Nitrate ama sopakhypa a papa he a rarô-y kaw ta, Bomb thatlô kawpa papa hawhta meikhuh nata meipaleih a kaw duahpa ta, a pana su nata chheipâh zydua chalyu pahnie kaw ta, a chheipâh liata O nata lyu, ahluahtheipa a ypazy chhao a chakhie-chadawh pahnie kaw.
Lebanon sawhkhâ biehneituhpazy chata he hmo rarô-y kawpa a tlôpa kyh liana heta, hmo sona su liata kô charu chhôh Ammonium Nitrate ama sopakhypa cha bai chai ei ta.
Lebanon President Michel Aoun chata Ammonium Nitrate, Tonnes 2,750 tlai ama â boh lei kawpa ta ama sopakhypa cha a pyh thai a ru kaw, tahpa Twitter liata a tawhpapuapâ ha.
He chhiena a tlôna chhâpa nata thabypa chhao thlai alaichadaipã lymâpa châ ta. Lebanon's Supreme Defence Council chata he chhiena a tlôpa liata maohphaohtuhpazy cha a pasa thei chaina hawhta hriepa ama châ aw, a tah hra.
President Aoun chata he chhiena vâta hrona a pahleipazy châta mâchhiesana cha noh 3 chhôh hmâpa a châ aw tahpa ta, sawhkhâ tawhta baona 100 billion lira (£50.5m; $66m) pie papuapa a châ aw, a tah hra.
No comments