French Open : A ei 13-na awpa ta Nadal ta nyungiapa a chalo

Rafael Nadal chata French Open Final liata Novak Djokovic pahniepa ta, Grand Slam nyungiapa chalo hluhna lâta Roger Federer â kaw khopa ta, Grand Slam nyungiapa 20 a chalo ha hra.

French Open liata Seed 2-na, Spanish Nadal heta World No.1 Djokovic heta kyhtotie liata pahnie via ta; Final akhaihna mo pha kawpa liana heta Nadal heta 6-0 6-2 7-5 ta pahniena topa ta, Roland Garros liata nyungiapa ei 13 a chalona a châpâ ha hra. French Open liana cheigei ta la ahy hmahta nyungiapa a chalopa zie he chalo mâh vei ei.

Kô 34-ta uhtheipa a châ ha bâ hrapa Nadal he a kô nata khih mopa ta â pielyu thei muarua khao na ta pangiasaleituhpa y taraw hra ei sala, reikahta châ leipa ta, hmotaopa ta a theina a pamosa ha heih.