Myanmar : Pheisaih sawhkhâ ta Atlyhna buakheituhpa UEC liata a hriapa chyhsa 12 rachhôh patu

YANGON—Myanmar Pheisaih sawhkhâ chata Myanmar Atlyhna buakheituhpa, Union Election Commission (UEC) zy cha bie hiahrihpasia awpa ta a patupakhy ei.

Pakhynoh nata Pohbienoh khata, Rakhine, Ayeyarwady nata su nano nanopa liata State, Regional, District nata township liata UEC Official thokha patupakhy ta. UEC office chhao hâta hmiatuapa khata ama vaw khaw ha hra.

He UEC mo nata sa ama patupa zie he pahnopasia theipa châ taraw hra vei sala, 12 hlâta cha chyh via vei ei.

Pheisaihta Myanmar liata biehneina tlokhuh ama la heihna chhâpa miakha lai chaipa cha, zâkô Phiapi Atlyhna liata pahniehna a totuhpa Daw Aung San Suu Kyi Party NLD (National League for Democracy) Vote athata paru ei ta, Atlyhna liata tlohpa ta amâ phuah, ta bai ei ta. Kha Atlyhna liana khata Pheisaih Party USDP (Union Solidarity and Development Party) kha amâ piechhie kawpa kha a châ. He vâna heta Atlyhna a do leipa, tahpa ta, Pheisaihzy chata Myanmar sawhkhâ thypathlahpa ta, President U Win Myint nata State Counselor Daw Aung San Suu Kyi zy patupa ta, biehneina tlokhuh amâ la hapa a châ.

- Irrawady News