Ukraine buana : Russia President ta Adyuhna a phuah haw?

Russia President Vladimir Putin chata Ukraine râhchhôh, Donbas region liata Pheisaih apielyuna ("military operation") a phuah haw.

Ukraine President Volodymyr Zelensky chata Russia ta Ukraine a tlahnaona cha "Europe râhhlypi liata adyuhna pipa pua pathaona a châ aw" a tah.

Pakhynoh zâcho ta Ukraine President ta bie a reina liata Russia ta miah a vaw tlahnao khiahta cha "Keimosasyh ta eimâ vaw Vaih hra aw" a tah.

Ukraine heta Pakhynoh zâcho tawhna khata ama râhchhôh liata 'Thla kha chhôh châta Emergency' a phuah ha hra.

Ukraine tawhta a lapa-eih khohpa râh bia 2-pazy chata Ukraine pheisaihzy tawhta pabohsa awpa ta Russia ahaw ei ta; Russia chata he râh bia 2-pa chhôh liana heta adyhna pabohsatuh awpa (Peace keeping forces) tahpa ta Pheisaih a soh ha hra.

He pheisaihzy he Ukraine tlahnao awpa ta achhuahnohna sai tahpa ta baipa ama châ.

Senior US defence official pakha chata, Russia cha Ukraine tlahnao awpa ta liahsa â chhuahnoh ha, a tah.

UK chata Ukraine cha adyuhna chhaichhi hleikhôta hmo nano nanopa hmâpa ta a bao aw, tahpa phuah ha ta; US nata ahrialâhpa râh nano nanopazy ta Russian bank nata MP zy cha sôh kyh liata hriena ama chaluahthlu ha hra.

- BBC