Ukraine buana : Canadian Sniper pakha ta Russia adyuh awpa ta Ukraine pangai

Meithei ka thaipa, ‘Canadian Sniper’, khizaw liata Meithei a ka thai chaipa hry liatahpa tahpa ta ama rei tyhpa, Wali chata Russia adyuh awpa ta Ukraine a ngai.

Wali tahpa ta pahnopa, Elite Royal 22e Regiment of Canada liata a vaw y hapa, heta kô 2015 liana khata ano lôhthai ta Iraq liata ISIS riahrupazy a dyuh awpa ta Iraq lâ vaw sie ha ta; kô 2009 nata 2011 liana chhao khata Sniper hawhta Afghanistan adyuhna lâ a vaw sie ha heih hra.

Wali heta a lahpinô nata saw hawti kaw chypazy cha siesaipa ta, Ukraine lâ he ano kho tlaita Russia a dyuh awpa ta a sie.

Wali heta he hawhta Ukraine ngaipa ta O nata lyu a siesaina kyh liana heta, “Bao awpa ei khoh tu ha ei. Cha cha na ei siena chhâpa cha a châ. Russian châ awpa hlâta European châ awpa ama khoh via hapa vâta Bomb ta tlahnaopa ta ama ypa heta athata keima liata bao awpa khona eina [pie," tahpa ta CBC ta amâ pakyhna liata a reih.

Wali heta Ukraine a kei tlôpa cha Ukraine chyhsazy ta amâ vaw ly-ua thai kaw, tahpa reihpa ta, “Ama hry liata ei kei hlao hrapa cha amâ ly ngaita,” tahpa ta “Ei kei tlô patawnahta eima palôh a hmô kawpa nata, viasa pha kawpa a hmô heihpa na eima lyu” a tah.

Wali chata Ukraine a tlô tawhta, Ukraine ngaipa ta O nata lyu siesai awpa a rairu pachaihna cha, a lahpinô nata sawchapaw, daihti rei leipa liata kô 1 a tloh ha awpa siesaipa cha a châ, a tah.