Siaha Boxer NT Biakkima nata Philippines Boxer a hmiachhy aw

Siaha Boxer nata, Boxing khizaw liata India moh paphatuhpa, Nt Lalbiakkima chata Philippines’ Boxer Jayson Vayson cha târi 18 Chhiepa, 2022 khita World Trade Center, Dubai, UAE liata a hmiachhy heih aw. He amâ hmiachhyna awpa he 'WBC Asia light flyweight title' achhuna châ aw ta, he amâ chôna awpa he ‘Countdown to Middle East Crown 4‘ tahpa ta bipa a châ aw.

Nt Lalbiakkima heta atlia khata Pakistan boxer Fida Muhammad cha India vs Pakistan Boxing ataopasuana, Grassroot Boxing Promotion ta ama pachhuahpanohpa liana khata a vaw chô papaopa ta, pahniena vaw to ha ta.

Pakistan boxer a pahnie hlâna heta, NT heta Phiapi, 2021 khata Thailandd boxer Gerttipong Kumsahwat chhao vaw pahnie (KO) pa ta, IBA Minimumweight Intercontinental title kha a vaw pabohsa hapa châ ta. Nt heta Thai boxer kha a pahnie kawpa kha a châ.

NT Biakkima ta a hmiachhy awpa Jayson Vayson he ahy maw?

Jayson Vayson he Philippines liata a ypa, 'professional boxer', 9-0-1 (9 wins – 0 losses -1 defeat) Record a hnei haipa châ ta. Â chô hnôh chaipa cha Tibo Monabesa, Indonesia boxer châpa ta, Holywings Club, Jakarta liata vaw hmiachhy ta. Anodeikua tlô viapa y vei ei.

- MMAindia.com