Sahma Chhiepa dohpa vâta chyhsa 42 ama thi

Ahmedabad: Botad District, Gujarat liata sahma Chhiepa dohpa vâta chyhsa 42 ta hrona ama pahlei.

Gandhinagar liata he kyh liata thâtih thiehpa lapakhytuhpazy apakyhpa ta Minister of State for Home Harsh Sanghavi chata he sahma Chhiepa kyh liana heta Police zy ta noh 10 chhôh cheingei ta biebuapa rohpangia aw ei ta, a chatlie kawpa ta he liata maophaohtuhpazy chôta bietluna ama phuah haw.

Minister chata, "Botad District liata chyhsa 42 tlai cha sahma chhiepa, methyl alcohol ahlaopa ama dohpa vâta thi ei ta. He kyh liata baipa chyhsa 15 chhao patu hapa ama châ," he a tah.

Chyhsa 42 ama thi hleikhôna heta, sahma Chhiepa a doh hrapa chyhsa 97 tlai Bhavnagar, Botad nata Ahmedabad liata mohôh haipa ama châ.