Siaha DC sahlaota District liata vao hri tawhta avaihna kyh reipahmaoh

 

Siaha, târi 5 Khihpa 2022: Hriaheihnoh zâlâ dawh 2:00Pm khata DC Conference Room-liata District Level Committee for Prevention, Control and containment of African Swine Fever(ASF) manôhzy ta Siaha DC Puhpa Lalsangliana chhihthana ry liata atyupahmaohna (meeting) ama hnei. Atyupahmaohna liana heta Mizoram District nano nanopa ASF avaw luah pathao hai heihpa tawhta Siaha district pabohsa n’awpa dâh nata he hri he a vaw ngia tlamaw ha sala, kheita hmahla awpa maw? tahpazy a kawh thei chaina hawhta reipahmaohpa ta, pachiapa a châ.

Hriaheihnohta atyupahmaohpa ta bie ama pachiapa tlâhpipazy :

1) Atahmâ he District khôtho lâ tawhta vao lapangiapa pakhâna biepiepa/Order siekhei haipa y ta, he he thla 2 châta Patô târi 11, 2022 liata papua hapa kha châ ta. A pha viapa ta ASF tawhta eimâ boh theina awpa ta atyupahmaohna cha Khihpa târi noh 11 khita, vao lapangiana biepipa/Order thiehpa, district hleikhôta, khih nano nanopa tawhta (Inter-village) vao lapangiana biepiepa/Order papua awpa ta pachiapa a châ.

2. Siaha district-liata ASF he â vaw ngia tlamawpa ta a châ khiahta cha, Police Department nata AH & Vety department zy hleikhôta zawpi zy eimâ hrialâhna dâh awpa lâthlôh tlua awpa.

(b) VC tozy hnohta tao awpa nata tao lei awpazy, AH & Vety ama baokhâ theina dâh awpa pahnosana pamphlet taopa ta rai awpa.

(c) ASF hri ohpa vao pahleipahlôna dâh awpa nata pabuna dâh awpa.

3.Bio-security/Sanitationery measures apachuna hluh viapa hnei.

4.Vao thipa/Vao tlâhleipa ama y khiahta cha District Vety Hospital, Siaha-liata a chatlie kawpa ta Mobile Number palâsapa liata pahnosapa, RAgT hmâpa ta ama thisaih pa-test-sa para awpa.

Dr.Rengpuii-9627013886
Lalsangliana VFA—8425853985 tahpazy pachiapa a châ.

Dr.C. Khawlthangmawia, DVO, Siaha tawhta ASF ta Siaha District a hriana dâh report nahthliepa châ ta. ASF hri he Siaha district-liata â ngia tahpa 15/4/2021 khata Thisaih sample paphaopa tawhta pasia/confirm-pa châ ta. ASF ta Siaha District he târi 8/12/2021 khata hri heta Siaha District â paihsai hapa ta pahnopa a châ.

Pachawh, 2021- Di, 2021 chhôh khata ASF hri kiahpa vâta vao 274 thi ei ta, 146 kasaopa ama châ. District chhôh liata khih 5-liata ASF hri he charei hmâ ta, chhôhkha 163 ta vao pahlei ei ta. Vao thipa nata kasaopa zydua sôhna lâ he Rs.Thysy 72.52 (lakhs) a châ.

Source : https://dipr.mizoram.gov.in/post/siaha-ah-district-level-committee-for-preventioncontrol-and-containment-of-african-swine-feverasf-member-te-thu-khawm