US Khotalaina noh alyna liata chyhsa 6 kasaotuhpa ama patu

Târi 4 Khihpa, 2022 liata US khotalaina noh alyna châta lâthlôh amâ chhihna (US Indepence Day Parade) Chicago, US liata chyhsa pakha ta O chô tawhta lâthlôh achhihpazy Meithei ta za kapa, chyhsa 6 thi ei ta; chyhsa 24 hlâta hluh viapazy ta hmah ama phaoh, tahpa biehneituhpazy ta ama reih.

He Meithei ta chyhsa katuhpa he, Robert Crimo, kô 22 ta uhtheipa châ ta, Police zy ta ama patu ha hra. He moleipa he buakha chhôh Car ta amâ chadai tawhta ama patu, tahpa Highland Park police chief Lou Jogmen chata thâtihthiehpa lapakhytuhpazy a chho.

Atakô Patô thla liata US râh chhôh su mia 2 – New York liata chyhsa 10 nata, Texas Elementary School liata hawtipa nata pachutuhpa 21 kasaopa ama châ tawhta he hmo he a tlô heihpa châ ta; kha hmo rarô-y kawpa a tlô rakha tawhna khata Meithei kohkina (Gun Control) kyh heta US liata rei a hlao kawpa kha a châ.