DoNER Ministry vyuhtuapazy ta Lôdaw khih tly

Siaha : Zâhnia târi 26 Patô, 2023 khata DoNER Ministry liata official 2 - SD Meena, Deputy Secretary nata Sachin, Assistant Secton Officer zy chata Siaha District chhôh liata khih miakha, Tipa RD block ry liata a ypa Lôdaw khih tlypa ta, Sawhkhâ Department nano nanopazy ta  hmahsiena lâthlôh liata hmah ama vaw lanazy nata chhâhchabâhpa amâ sopa nano nanopazy a su liata ama mohpasia (ground assessment ama hnei).

DoNER official zy he Lôdaw khih zawpizy ta vaw ydypa ta, khitlâh chhihthatuhpazy nahta apakyh ei ta. Hmahsie n'awpa kyh liata hmahlakhoh n'awpa dâhzy reipahmaohpa a châ tawhta, khihtlâh peimawhpa nata angiahpa nano nanopazy rohpa ta official zy hnohna heta ama vaw pangia hra.

DoNER ministry official zy he Margaret J.Vanremmawii, SDO(C) Tipâ Sub.Division nata J.Lalhmahruaia SDC Siaha zy hleikhôta department nano nanopa vyuhtuapazy ta ama chakaochahlâh.