Siaha District liata Mobile Phone hmâhpa 68,348

Târi 26 Patô, 2023 : Economic Survey (Mizoram 2022-23) ta a palâsana liata, Mizoram liata mobile phone connection hneipa 14,83,213 ama y. Airtel cha hmâhtuhpa hluh chaipa ama châ.

Service provider nano nanopa hry liata Airtel hmâhtuhpa 7,06,184 y ei ta, Airtel pazipa ta Jio hmâhtuhpa 3,94,400 ama y. BSNL hmâhtuhpa 2,08,056 y ei ta, Vodafone-Idea hmâhtuhpa 1,02,573 ama y hra.

Mizoram district nano nanopa hry liata Aizawl district-liata mobile phone hmâhtuhpa hluh chaipa ta, 7,27,524 y ei ta, Lunglei district ta pazipa ta 2,32,422 ama tloh.

Mamit district liata 66,167, Champhai district liata 1,09,244, Serchhip district liata 96,442, Lawngtlai district liat 79,348, Siaha district liata 68,348 ama tloh hra.