HRO CHHIHTHATUHPA 10-ZY

Hrozô chhihthatuhpa mia 10-zy :

1. Amâ phuh leipa chhao ta mohropazy cha zaw angiah kawpa nata zana chôta chy-eih ma y. Mohropazy heta ama hro liata khâpa rairuna ma atyh ei ta, khâpa hmo ma ama chatôh tahpa pahno tlôh leikhâh chi ta; ama chôta nâ pielyuzie khata ama hrozie liata yzie a hnei kaw thei la y.

2. Hlaochhâna he hlaotlohna apaliepa châ leipa ta, hrozô liata khâchâ abai hrapa deikua a châ. Hlaochhâna nâ tyhpa cha a pyhthai la, Cha tawnah chata achu la, na laiseih n'awpa liata cha pasyutuhpa châta hmâh ma y.

3. Aly thaphana he eima khitlyna liata a pahniehpa a châ. Na chô liata hmo a tlôpa maih kohki thei ngyu vâ chi, kheita ma na vaw chy-eih aw tahpa deikua na biehneina a châ. A phanazie ta khâchâ chy-eih awpa achhuah la, na hmo hneipazy vâta alyna châh pahno ma y.

4. Hiehâh ruchhôna nata, chhôhso ta hmophaleipa pachâna awpa ta la hro he a chyu tu ha. Angiahthaina nata myna heta aryhna nata khotalaina a cha pie aw.

5. Na phana awpa kyh cha pachâpa viasa nata nâ ngiahna liata cha deichhy awpa a mâ thlâh hapazy a pawla tyh ma y. Na chheipâh khata na palôh phaozie nata nôchâ a panano thei kaw la y.

6. Nâma sasyh kha mohropazy nahta apakhopâ beih khâ. Ahyrai ta khitlyna lâthlôh a chhihpa ama hnei chyu; hlaotlohna eima tahpa chhao alyu tlâ hra vei. Nâma ta hmo nâ chhuahpa kha khâ a nua la, hmialâ tôh ma y.

7. Na sapa pôhpa nata palôh hnatlâna kha vaih pha ma y. Na sapa pôhpa nata na palôh kha na hmo hneipa hryta sôh chaipa châ tlôh ta.

8. Achuna bâsai beih leipa la, achu via lymâ ma y. Ataopathi awpa ta suruapa a y ngâthlâh ha, achu pazao lymâpa heta ryhpaohna kawh viapa nata, hmo yzie patu thaina a cha pie aw.

9. Na châ dopa liata nata, na hmo pasôpa nata a ngiapâpa liata sia ma y. Nâ dona nata ngâchhihna kha buakha athôhna khona vâta pathlie leipa la, rairuna ry liata chhao âdopa nata ngâchhihpa ta na pahnopa hmo liata khâchâ a duah ma y.

10. Nâma sasyh kha kyh a pachâ la, a pasô thai ma y. Chyhsa patluapa nata sôhpa châ chi ta, kyhpachâ awpa nata za awpa nâ phuh.