Manipur buana : Chyhsa 60 thi ei ta, O nata lyu 1700 mei ta raopa a châ - CM

Manipur Chief Minister N Biren Singh chata Manipur buana liata chyhsa 60 ta hrona pahlei ei ta, chyhsa 231 ta hmah phaoh ei ta, achhyna-O a hlaopa ta O nata lyu 1,700 mei ta raopa a châ, a tah.

Manipur khihpi Imphal liata thâtihthiehpa lapakhytuhpazy apakyhpa ta, Manipur CM heta state sawhkhâ chata hrona a pahleipa chhôhkhazy cha Rs thysy 5 (lakh) pie awpa ta paryhsapa ta, hmahphaoh pasa viapazy hnohta Rs thysy 2 (lakh) pie awpa ta paryhsa ta, hmahphaoh pasa tu leipazy hnohta Rs 25,000 pie awpa ta a paryhsa hra, a tah.

A rei lymâna liata CM Biren Singh chata, Hindu temple nata krizyhpa Achhyna-O a hlaopa ta O nata lyu 1,700 tlai mei ta raopa a châ, a tah.

Chief minister heta ama O nata lyu paraopa ta a y hapazy cha sawhkhâ ta ama O paduapathina awpa ta Rs thysy 2 (lakh) a pie aw, a tah hra.