Mara laihsa Filmstar Fiefie Mara

Rohtuhpa : K.Vâbeihmôsa|

Fiefie Mara he atahmâ daihti liata Myanmar film star pakha châ hra awpa ta, Film a tao haipa Mara laihsa châthaipa pakha châ hra ta, BE degree a hmôpa, Sabyhpi khihpa a châ. Atahmâ a film taopa liana heta a Châtuhnô a châpa hleikhôta film taopa liata chhithatuh chaipa nata a châtuhnô chaipa chhao châ heih ta, he Film he  international level ta taopa châ ta, fortune TV tahpa liata mo thei awpa a châ. Laihsa Fiefie he pikheipa thaina (talent) a hnei pha kawpa châ ta, Film Star pakha a châpa hleikhôta hlasa (artist) thai ngâsâpa châ heih ta, châbu reih chhao a pahâh ngâsâpa laihsa a châ. A hawti viana daihti liata chhao Chin state  chhôh hlasa ataopasuana liata sâkhana lymâ a hmô ha hrapa a châ. Atahmâ chhao Burmese reih ta Myanmar râh zydua châta hla a taopa a rei leipa liata a papua (release) pâ hra aw. 

Ano uhtapa he Meipaw Moe kyaw Aung ( Meipaw Lairo  Mara) tah ei ta, MSA liata finance secy a patu ngâkawpa châ ta, atliata liata Film production company a tao/paduatuhpa châ ta, chyhsa veiseihpalôh-hâh kawpa châ ta, MP ei piena daihti liata chhao phusâ Ks. 1000000/- eina baopa hleikhôta abyuhna hawhta reih lymâ ma y, na tah ta, chyhsa thlah palôh hmeiseihpa nata ngâchhihpa a châ. State minister pakha ta eina chhopa cha "Hmôsa y, state minister zy na vaw châ thai khiahta la Marapa chyhsa contract pie la, nâ chhaina tlâh a châ awpa chyhsa cha Moe kyaw Aung he na a châ," na tah ta, Keima ta "Ei viasapa, sanawhpa, eima khihpa a châ," tah na ta, "Aw a pha ngâsâ chuh, na vâhnei ngâsâ, chyhsa sia kawpa, ngâchhih kawpa nata, chapawsaw kawpa châ ta, a ngia chhao â ngiapâ kaw hra eina" tah. 

State minister nah zy chhaota ama pahno kawpa nata ama ngâ kawpa pakha a châ hra. 

Laihsa fiefie he hawhpa duasu liata a vaw ypa he alykhei hmeiseih pi ta, a sie laih lymâna awpa liata hlaotlohna phapa a to via lymâ awpa ta khokheina eima hlâ hmeiseih.