Mizoram : Kô 2022 chhôhta paritheipa vâta athipa hlâta kô 2023 Thlazoh taihta athipa ama hluh via

Thlazoh 9, 2023 : Mizoram liata zâkô 2022 chhôhta paritheipa athikheipa zydua hlâta atakô 2023 chhôhta paritheipa thikheipa ama hluh via ha bâ.

Excise & Narcotics Department (END) palâsazie liata, zâkô chhôh khata paritheipa vâta athipa chapaw 39 nata chanô 4, ama zydua ta 43 y ei ta, he zie hlâta hluh viapa he atakô Thlazoh 7 taihna khata paritheipa vâ pyly ta ama thi ha.

Atakô ta paritheipa vâta athipazy he chapaw 36 nata chanô 8, ama zydua ta 44 châ ei ta, ama zydua heta 'Heroin' ahniahnipa ta thipa sai ama châ.

Kô 1984 tawhta atakô Thlazoh 7 taihna khata Mizoram liata paritheipa vâta chyhsa 1,780 thi ha ei ta, he hry liana heta 1,567 cha chapaw châ ei ta, chanô 213 ama châ.