Chyhsa ku taopa ta nô pakha thi

 

Pihnô V Lalhmingthangi W/o C.Zothanmawia, Tuikual South, Aizawl cha atanoh (17.3.2024) my dawh 10 rachhôh khata Aizawl New Market liata daoh liata athi chiehpa ta hmôpa a châ.

Biehnawhta a palâsazie ta, Pihnô Lalhmingthangi he Bazar liata daoh hneipa a châpa vâta adi hawh châhzy hnei tyh ta, cha hawhpa daihtizy liana chata ama paw heta â vaw môsai thlâh ha tyh.

Atamy kha ama O liata a vaw y leipa vâta nata, phone hmâpa ta bie achhi theipa a châ leipa vâta a daoh lâ he a chhôhkhazy vawh ei ta, a daoh he â vaw hraih ha ta. Daoh ochhi kiah rachhôh liata thisaih hmôpa a châpa vâta hrailô (Tâlâ) chhuh paraopa châ ta, thisaih hryta a ri ama kei hmô hapa a châ. Police zy ta hmobyuhpa maih bukhei pâ lymâ ei ta, chyhsa ku a taopa tlaipa ta pahnopa a châ. 

Pihnô Lalhmingthangi he zâhnia zâ daoh a khaw tawhta, hmo chalei khohpa hawhta â reihpa ta vaw phone ta, he vâna heta daoh he a pahy heih tahpa pahnopa a chânazie biehnawh heta a palâsa hra.

Source : Bengvarna