India President parohpa, Dr APJ Abdul Kalam ta a thâtih areipa, palôh a hria kawpa he duah vaw reih hra tua rai :-
"Hawtipa ei châ nona heta zâkha cha ei nâ (Mother) beihchhopa nie awpa ta dawhkâh sâkha dôh sahlao pi ta. He noh liana heta ei nâ cha noh ykha O chhôh rai hriapa ta bua ngaita kaw ta, ei pâ dawh-râh liana chata alao châ kawpa dei chhao a châ leipa, U khai hapa he chhapa ta. Ei pâ chata kheita ma a tah vâ i, tahpa ta mokhâ thlâh hana ta, apahâh tah kawpa hawhna heta alao Upa cha ei pâ chata lôhhrâtlô kawpa ta nie ta. Nohchhôhta siku liata khâpa zy eimâ chu, ei paphasa ma tahpa zy na hiahrih ta. Ei chhyna la pahno khao leipana ta, anodeikua, ei nâ ta a lao chhopa a pa-upâ hapa vâta pei a tahna zie ei pâ hnohta a chhopa deikua kha la ei pahno
thlâh ha chy. Cha liata ei pâ âchhyna cha ei nahkaoh liana heta a châh ngâthlâh ha chy : 'Nôpih, lao upa he tlao apahâh ei tah via syulyu mâh my' tah ta. Zâ daihti liana chata, rakhô liata ei pâ cha alao upa a pahâh a tah hmeiseih tlai ma, tahpa hiahrih hawna ta. Na vaw chakupa ta, 'Pâpâ, na nô kha noh-ykha bua ta, a riethei ngâsâ tahpa pahnona ta, alao upa heta ahy hmahta miah pasasa hlei leipa ta, seisiana deikua chata chyhsa a pasasa thei. Khizaw liana heta ahyhmahta siapakipa y leipa pi ta, keima tlai chhao he maori kawna ta, noh peimawhpa ngia awpa angiahpa nata hmo peimawh kawpa zy ei my thai kaw, tahpa âpahnona ta. Cha liata ei chupapuapa hmo cha, EIMA TLOH LEINA ZY, EIMA HMOTAOCHHEI TLAMAWPA ZY HE ANGIAHTHAIH RAIRIEPA TA, APYHTHAI RAIRIE EI SIH LA, EIMÂ ZAOKHINA Â I VIA LYMÂ AW, tahpa he a châ. Eima hronoh chhôh he angiapachhi heih n'awpa hmo tao n'awpa châhta a chyutu ha, eima chô liata hmopha a taotuhpa zy nata a tao hlei leipa zy he kyhpachâ awpa ta âchu ei sih la, lôhraoh kawpa ta khihsa khoh ei sih la, hrophapa eima hmâ tahna a châ aw. Eima hrozô he zôzaw tlô leikhâh ta..."
- Palietuhpa Robert B Syuhlo, Siaha
