LEI PEIRÂH

- Loren Hlychho

My pati Keinö ta achho chiehpa hyhkha niekhai tawh, noh a chä suahluah hläta Ngiahthaipaw Täkö daipa cheingei, tlyhmia löta liata apatliena taih ta liahsa chata patiah khai ha pa a chabana chöta,tha eima vialapa zy nata bielöhawh rei achhu pä lymä na chöta lyupih zaw läthlöh lia sie ngäkaw sihla, eima täkö tiah nata tiah lei pasuapachaona ta thodaw nata Ralih zy za lawh /sao pä sihla, eima sahria lia Lächao nata Titheih phao pä na chö ta...    

Liahsa chapu lia eima chhaichhi nata hmobaoh zy eima soh khai tawh, lyu hmah athao awpa ta EK line ta lyuchao lächhäh za pangai pita, mathlai tisao chhaota helamaw kaw thlyu pi, eima nodi vä chhao chä muarua hlei leipa ta, eima lyu hmah liata Awsicharu Athei panyu vaw pha ngäsä pa zy za nie pä pi, thlihuanö nai zualua ta lyupäh chähhry lä tawh kaw pathli pä ngä kaw... Eima kä lia ampa zy chhao pawsaih pabyuhpa hawh ahmia kaw saih khai haw ;cha hawh hmipha chhithai mochaki ta kei hmöpà pa chhochhi riethei chhao pahno khao va hläna maw kei rairao hi..... 

Noh ävaw Kiah rähsäh ha na ta, nohchhö pati a kaw di pita, chapu tlyhmia liata beih ama patyupa vyh pähläh ha pa chhöh liata ti,aröh pua saih daihmä ha pa eima tah ma amaih daihmäpa eima tawh tly... Y cha hawpa väsua ti nata cheingei eima kuphei eimä si khai tawh, chapu siphiah lia eima phei liahsa chavia ha pata beih tyu phiah tyu ta azä tyuh pi ta, eima lächao, liahvawnö säh chä pä thläh ha pata chhopa nata Mahpaw Khochaipaw mawmyhna chaheipa, Awtaluh, Äpahniah, mawmythei panyupa, Äteih, Hleido (baibie-ao), hmiakhu nata Sykathu chyhta sai pahlaopa(Ä collection) akhuh khu ngäkaw pa beiko mathlaw hneipa lia za patlai ngä kaw..... Mmmmmm aroh pahäh däh chy... A Kiah liata laodao kiapäh liata Ähiah köpanopa,hiah pha ngäsä pa khächhaorähpa nata liahsa charopadi khai ha pa za pahlao pä pita eima za pahraopa cha dia...... Apasie däh reipasia thai chhao chä khao vei... KFC, Cook-off tah zy la ei my khai ha

Liahsa eima py thari ähnona taih eima load tawta chapu laikathi lächhäh liata ochhi nàpathlah theipa,ramawh ta kaw dyuh pita, thlihua kaw pathlipa chata Kylynö säh pa-aopa roh kaw pathli khei ngäkaw... Ra-awh nata Aki zy chhämeih ama niethei awpa tlua pata eima lyu luchö Lia azaw hölö ei... Ei za sai suahchuah ha na ei heta alyna nata thaphana,he ei lei chhiesana pakah ta reipasia thai leipa, chhömarupa liata palötläh ngaita na eina za pahneisa ei cha maw..... Cha hawta lyu hmah sai päna chöta chähnamei Väsaih khih aoh-mä pahäpa, palari hrohpa röh cheingei ta chakhipa,kudy nata liahpy likawh Lia za tei pita, Nöngöh kuva raopa nata eima za patlapanöpa cha e, apha tusaw ha... He hleikhö Lei peiräh khochhipa hi