SHROUD OF TURIN : ZISU KHUNA POH

Turin khih liata athihpa ri khuna thâtih he a pahnopa eima y thlâh ha bâ thei. Zisu khuna poh kha a châ tahpa â lâ theina awpa hmo hmô chhipa a châ ha heih.

He poh (Linen cloth) liana heta Thisaih a chyhta a kiahpa a y chypa ta ama rei. He Thisaih he Electron Microscopy hmâpa ta mohpasiapa a châ, thisaih he hrukhei theipa hmo/china/hmah a hneipazy ta amâ tyhpa (TRAUMA) ama hnei tyhpa, 'Creatinine' nata 'Ferttin' hluh kawpa hmôpa a châ. He vâna heta athaisopazy ta cha he poh ta ama khupa chyhsa heta taolana nata pasa taona athata â tyhpa na a châ aw, ama ta.

Reina dâh hropa liata cha Zisu kha ama khaipâna Kraws tawhta ama la pathlah tawhna khata, he poh (Shroud of Turin) hmâpa ta pahlypa a châ. He poh liana heta nohthlah sâkha ropa châ ta. He nohthlahpa he Medieval( Rawm sawhkhâ a rao tawhta mongyuhnah ta sona ama vaw hnei pathaona daihti) liata ropa châ ta; Zisu nohthlahpa tlai na a châ, tahpa chhao ama y hra.

He poh he atahmâ taihta St John, Baptist Cathedral, Turin-liata ama soh thlâh ha.