19TH MIZORAM OPEN CHESS TOURNAMENT PATLÔPA A CHÂ

 

Siaha 25^th Thlazoh : Zâkhahnia chutyh noh zâlâ dawh 4:00 khata DRDA Conference Hall, Siaha noh thôh chhôh hneipa 19th Mizoram Open Chess Tournament-2017 cha patlôpa châpa ta, khawna daihti hmâna liata Puhpa Beirahmô Syhly, EM (Sports) MADC chata khichhailaipa châpa ta â hmâkheipa ta, lymâ raina a hnei. 

Khichhailaipa Puhpa Beirahmô chata biereina hneipa ta, Mizoram Open Chess Tournament Ei-19-na Siaha khihpi ta eima tlô theipa he MCA (Mizoram Chess Association) chhihthatuhpazy nata SDCA (Siaha District Chess Assoiciation) chhihthatuhpazy hriaparaohna phapa vâta châta. Mizoram Open Chess  Tournament hnei hapa hryta atahmâ ta Tournament liata a puapa he ama hluh chai chy tahpa nata zawpi pasô a hlao chai chy, tahpa MCA President Dr.Lalhmuchhuaka ta a chhopazy chata a palysa kaw, a ta. Chess he chyhsa lathli phapazy nata hri-iah phapazy ataopasuana, ataopasuana rônah kawpa châ ta, khizaw chhaota a pasâhsa kawpa a châ. Eima thyutlia hluhpi heta pahâhkhei ei sala, sahma nata paritheipa a buakheipa thyutliapa chhao ama chyh via syulyu na ta a pangiasana zie a reih hra.

Zâkhahnia ta 19th  Mizoram Open Chess Tournament, 2017 ckhawna daihti he Puhpa F. Lalchhanhima ta chhihthapa ta, Dr. Lalhmuchhuaka, President MCA nata N.Vabeiratlua, Secretary, Siaha District Sports Committee zy ta biereina ama hnei hra.

19th Mizoram Chess Tournament-liana heta Participant 91 ypa ta, MCA  ranker 26 nata unranker 65 zy amâ hlao thei.

Lymâ daotuhpazy :

1st---Robert Runremmawia,Lunglei

2nd----Lalawmpuia, Aizawl

3rd----Stephen Malsawmtluanga, Aizawl.

1st Prize daotuhpa heta Champion Trophy hleikhôta Rs.15,000/-nata ryuchâ dao ta. 2nd Prize daotuhpa heta Rs.10,000/-nata ryuchâ, 3rd prize daotuhpa heta Rs.6000 nata ryuchâ a dao hra. Lymâ he 20-na taihta pachhuahpanohpa châ ta, phusâ nata ryuchâ ama dao chyu hra.