A nô ama palysa leipa vâta a lahpinô panozy cha Car liata hraikhôpa ta mei ta a rao ei

Rajasthan liata hmo a tlôpa rarô y kawpa liata paw pakha ta  a lahpinô panozy cha a nô ama mohôhna kyh liata a kho a khi leipa vâta Car liata hraikhôpa ta mei ta a rao ei. 

He chyhsa Deepa Ram tahpa pahnopa heta a lahpinô panozy he hmo chaleipa awpa hawhta â reihpa ta Car liata hraihkhôpa ta mei ta arao hapa ei a châ.

Ram heta ama chhôhkha chôchâh liata a palôhtlâhleina vâta nata a nô cha a lahpinôzy heta ama palysa leipa ta a pahnopa vâta he hawhta mei ta rao hapa a châ a ta, tahpa ta Additional SP Jalore, Binja Ram chata a rei.

Additional SP ta a rei lymâna dâh ta cha, “Car liata amâ râ ngâ nona heta a lahpinôzy nah heta athata a eichhia ei ta. A car haopa cha a buapâ hapa vâta paduasa ta,” tahpa ta, cha hawhta Car â dua nona chata a lahpinô pakha viapa cha puapa ta baotuhpa tlua ta, châhrasala a vahpa he car chhôh lâ a pangiasa lilaw ha heih, a ta. 

Buakha amâ râ heih tawhta, Ram he car tawhta kaw puapa ta, a lahpinôzy he khôtho lâ tawhta hraikhôpa ta mei ta a rao hapa a châ. He hawhta a lahpinô panozy rarô y kawpa ta mei ta raotuhpa he Police-zy ta ama patu ha hra. Ram heta lahpinô pano hneipa ta, saw pathôh ama hnei.

With PTI Inputs